Eta esan bezala larunbatean Maulera joan ginen aurtengo azken maskarada ikustera. Eguraldi zoragarria eta lagunarteko giroa, txango bat ondo ateratzeko ezinbesteko baldintzak. Han zeuden guztiak gure zain buhameak (ijitoak), zorrotzaileak, ferratzaileak, kauterak (berzkinak), gorriak eta beltzak haien ohiko liskarrekin, eta noski, Pitxu ere aurkitu genuen!!
Dena den, animaliak maite ditugunontzat ez da agian lekurik aproposena, kauterek bost azeri hil zituzten, argazkian ikusten den bezala, eta herrian zehar eraman zituzten soka batez lotuta jendea izutu nahian. Oraingoan ere, tradizio hitza aipatuko dela imajinatzen dut, nik, berriz, jai batean ondo pasatzeko animaliak hiltzea ez dela batere beharrezkoa pentsatzen dut, eta tradizioen kontra joan behar badugu, arazorik ez.
No comments:
Post a Comment