2019/10/16

Enkarterriko Euskaldunon Topaketa antolatzeko bilera


Aurten Enkarterriko Euskaldunon Topaketa Sodupen ospatuko dugu. Horretarako zurekin batera lan egin eta guztiontzat zoragarria izango den jaia antolatu nahi dugu.

Ideiak elkar trukatzeko, proposamenak egiteko eta antolaketan parte hartzeko bilera egingo dugu.




Non? Sodupeko Kultur Etxean

Noiz? Ostegunean, urriaren 24an

Ordua: 19:00

                                    Hurbildu zaitez eta parte hartu!



Praktikatu eta bizi. Izan zaitez berbalagun!



       Euskara praktikatu nahi baduzu edo euskaraz bizitzeko aukera berrien bila bazabiltza, eman izena berbalagun talde batean. DOHAINIK da! 😊

Izena emateko: enkarterri@aek.eus / 671 070 044 (Whatsapp)

2019/10/09

Giro ezin hobea Gangas egunean.

       Gangas egunean, giro ezin hobea lagun, plazara atera ginen eta Berbalagun egitasmoari buruzko informazioa ematen igaro genuen goiza. Jende andana hurbildu zen guregana jakin minez eta opari polit bana eskuratu zuten; horien artean Jon Maia eta Onintza Enbeita bertsolariak eta haiekin zihoazen bertsozaleak ere egon ziren. Honetaz gain, azkeneko urteetako ekintzen argazkiak ikusi ahal izan zituzten eta Enkarterriko produktuen saskiaren zozketan parte hartu zuten.

        Mila esker hara hurbildu zineten guztioi eta zorte on zozketan!

       Gangasera hurbildu ezin zinetenentzat, hona hemen eguneko testigantza grafikoa.










2019/09/30

Berbalagunen informazio-gunea Gangas egunean

Zatoz Berbalagun!
Gangas egunean, urriaren 7an, Zallan izango gara, goizean zehar, Madres Irlandesas plazan Berbalagun egitasmoaren informazio guztia partekatzeko prest.
Hurbil zaitez gugana elkar agurtzera, edo lagun berriak egitera. Zatoz eta zozketa zoragarrian parte hartuko duzu, oparitxoak banatuko dizkizugu eta hainbat sorpresa topatuko dituzu.

Zatoz euskararen arnasgunera! 
Zatoz Berbalagunen informazio-gunera!



Urriko agenda ekintzez gainezka dator!


2019/09/16

Enkarterriko berbalagunean izena emateko kanpaina abian!





       Oporrak igarota, Enkarterriko berbalagun egitasmoak bueltan da jada. Euskaraz praktikatu eta lagun berriak egin nahi badituzu, hurbildu guregana eta izan zaitez berbalagun!

Izena ematea: enkarterri@aek.eus - 671 070 044 (Whatsapp)

2019/06/28

Oporretan gaude!

 
 
 
 
 
 
Elkarrekin ikasturtea eman ostean, ondo merezitako atsedena hartzeko unea heldu da... Oso momentu atseginak eta dibertigarriak bizi izan ditugu aurten ere, baina ez ahaztu euskaraz praktikatzeko edozein momentua ona dela; hondartzan, herriko jaietan, edo elkartuko garen edozein tokitan.
 
 ONDO PASA UDAN

ETA IRAILERA ARTE!

2019/06/26

Ikasturte amaierako jaia. Kronika.





Aurreko ostegunean, ekainaren 20an, ikasturteari agur esateko elkartu ginen berbalagunok, Zallan. 













Giro itzela sortu zen bertso poteoan eta herriko kaleak euskaraz piztu genituen. Hitz eta pitz aritu ginen! Bertsoaldi batetik bestera zozketa apartak izan genituen, eta eguraldiak lagundu zuen arren, hainbatek euritakoa eraman zuen etxera. Kar, kar, kar!

 







Mila esker hurbildu zineten guztioi, primeran pasatu genuen; eta batez ere, Zallako Anitz bertso eskolako bertsolariei: zuek bai apartak!




 


Hurrengo ikasturtean elkartuko gara eta mingaina astintzen jarraituko dugu.








 




GORA GU ETA GUTARRAK!















2019/06/13

Gurasolagun pasaporteko saridunak.



Aste honetan Gurasolagun pasaporteko saria banatu dugu. Ikasturte osoan zehar antolatutako Gurasolagunen ekintzetan familia askok parte hartu du, baina ekintza guzti-guztietara joan den familia bakarra izan dugu aurten. Poz-pozik jaso dute merezitako saria eta hurrengo ikasturtean berriz parte hartzeko prest daude.

Familian euskaraz aritzeak bere saria duelako, jarraitu mingaina astintzen.

MILA ESKER PARTAIDE GUZTIOI 
ETA 
HURRENGORA ARTE!


Ikasturte amaierako jaia!

Uda dator eta berarekin batera ikasturte honi agur esateko garaia ere.
Ekintzez betetako urtea izan dugu: jende berria ezagutu dugu, aurreko urteetako lagunekin elkartu gara eta Enkarterriko kaleak euskaraz busti ditugu.
Horri guztiari bukaera borobila emateko azken jai bat antolatu dugu. Bertan bertsoak, musika, lagun giroa, zozketak eta hainbat sorpresa egongo dira. Zallan elkartuko gara hurrengo ostegunean, ekainak 20, arratsaldeko 19:30ean, Darbuka tabernan.

ZATOZ JAI GIROAZ GOZATZERA!
 



2019/06/07

El Grazalera irteera berria


Euria zela-eta, maiatzaren 18an antolatutako mendi-irteera bertan behera geratu zen. Beraz, hilabete honetan berriz elkartuko gara Enkarterriko biotopo babestua ezagutzeko. Oraingoan, ekainaren 16an, igandean lotuko gara, Sodupen. La Conchita parkean bildu eta handik El Grazalera abiatuko gara.

Anima zaitez eta Enkarterri ezagut ezazu!


2019/06/04

Autodefentsa tailerra Zallan.


       Ikasturte honi agurrik onena emateko hainbat ekitaldi prestatu ditugu ekainean zehar. Horietako bat autodefentsa ikastaroa da, uda honetako parranda eta jaietan seguruago sentitzeko eta  espero ez duzun egoera arriskutsu bati erantzuten ikasteko. Bertan hainbat teknika eta gomendio ikusiko ditugu, betiere, gure segurtasunari lehentasuna ematen.

       Ekainak 13, Zallako pilotalekuan, arratsaldeko 18:00etan.

Izena emateko: enkarterri@aek.eus - 671 070 044 (Whatsapp).
                        Ekainaren 11ra arte.

ANIMATU ETA PARTE HARTU!

2019/05/29

Zallako mintzodromoa. Kronika



 
 

Aurreko ostegunean, maiatzaren 23an, Zallako pilotalekua euskararen mintzaleku bihurtu genuen. Oso giro atseginean, berbalagunok, AEK-ko zein Udal euskaltegiko ikasleak eta irakasleak eztabaidan aritu ginen bertan proposatutako 3 gaiei buruz. Ideiak trukatzen eta jende ezberdinarekin hizkuntza berberean mintzatzen igaro genuen arratsaldea. Euskaraz oso tarte polita pasatzeko aukera izan genuen. Horrelako bizipenen ostean, datorren urtean errepikatzeko prest egongo gara, ziur.

ESKERRIK ASKO ZUEN PARTE HARTZEAGATIK.
ONENAK ZARETE!!! 


 Horra hor argazkiak. On egin!











 


 










 

2019/05/28

Udako berbalagun. Izena emateko epea zabalik!


       
         Ikasturtea amaitzearekin batera, talde batzuk desagertu egiten dira; beste batzuk, aldiz, partaide berriak hartu eta birsortu egiten dira. Horietakoren batean parte hartu nahi baduzu, jarri harremanetan gurekin enkarterri@aek.eus postaren bidez, bidali whatsapp bat  671 070 044 telefono zenbakira edo bete fitxa hau.
...eta guztia DOHAINIK  

Izena emateko azken eguna: ekainaren 14a
 
ANIMATU ETA ASTINDU MINGAINA UDAN ERE!

2019/05/27

Kirola eta Natura. Ekaineko irteerak.



PRAKTIKATUko lagunek prest dituzte KIROLA ETA NATURA egitasmoko ekaineko ekintzak.
Hauexek dira:
  • Ekainaren 09an URKIOLATIK IPIZTERA IBILBIDE ZIRKULARRA (14km). Tartean, Santa Kruz apaiza-gerrileroren ezkutalekua bisitatuko dugu. Izena emateko azken eguna: ekainak 6.
  • Ekianaren 23an ITXINATIK ZEHARKALDIA. Atxular begitik sartu, Supelegor kobazuloa bisitatu eta Kargalekutik aterako gara. Izena emateko azken eguna: ekainak 20.
Interesa duen edonork izena eman dezake ESTEKA HONETAN.
Animatu zaitezte eta zatoz guren Kirola eta Naturaren bitartez praktikatzera!

2019/05/22

Zallako bertso Jaialdia.



       Zallako bertso-jaialdia ate joka daukagu berriro ere. Honetan Nerea Ibarzabal, Beñat Gaztelumendi, Etxahun Lekue eta Miren Amuriza bertsolariak Zallako bertso-eskolako Ander Ucelayrekin batera arituko dira.

Maiatzak 31, arratsaldeko 19:30ean Zalla Zine-antzokian.

Prezioa: 3 €

Bertsoz bertso Enkarterri euskalduntzen!

2019/05/13

Zallako mintzodromoa

Kaixo, lagun!

Urtero bezala, udaberriarekin batera mintzodromoa dator. Aurten, maiatzaren 23an, ostegunean, izango da Zallako pilotalekuan, arratsaldeko 17:30etan. Bertan elkartuko gara euskaraz mintzatzeko eta elkarrekin egoteko.
Izena emateko bidali mezua enkarterri@aek.eus helbidera edo bidali whatsap mezu bat 671 07 00 44 zenbakira; epea maiatzaren 20an, astelehena, bukatuko da.


Animatu eta parte hartu. Zure zain egongo gara!


2019/05/10

Enkarterri ezagutuz: El Grazal

Kaixo, lagun!

Ez duzu inoiz pentsatu askotan kanpora begira bizi garela, gure inguruan dauden altxorrak ikusi gabe? Horrelakorik noizbait otu bazaizu, eta konponbidea eman nahi badiozu, hauxe duzu aukera. Hurrengo larunbatean, maiatzak 18, El Grazal mendira ibilbide gidatua izango dugu. Bertako leku esanguratsuen historia ezagutuko dugu eta mendiko giroaz gozatu.
Sodupeko La Conchita parketik abiatuko gara, goizeko 10:00etan.

Animatu eta zatoz gurekin Enkarterriko altxorrak aurkitzera!


2019/05/02

Diskofestako kronika

Kaixo, lagunok!

Aurreko ostiralean, apirilaren 26an, Sodupen diskofesta zoragarria izan genuen. Arratsaldeko giroa pizteko musikaz beteriko festa izan zen. Azken momentuko musika, betiko klasikoak eta gorputza astintzeko koreografia apartak. Gurasolagun pasaporteari amaiera emateko ospakizuna izan zen, eta hara hurbildu ziren familiek oso ondo pasatu zuten.

Mila esker ARIMAko mutilei eta hara hurbildu zineten guztioi!

Hurrengora arte!




PS: hona hemen sorpresatxo bat... (;



2019/04/12

Gurasolagunentzat diskofesta!

Gurasolagun egitasmoko azken ekintza iristear dugu: Diskofesta!



Musikaz, jolasez eta dibertsioz beteriko diskofesta egingo dugu Sodupeko plazan, arratsaldeko 17:30etatik aurrera.  Karpa egongo da euria egin arren, primeran pasatzeko. 

Anima zaitez eta gurekin etorri! 


2019/04/05

Buztin polimerikoa tailerraren kronika.











       Lehengo egunean, martxoaren 29an, familientzako Buztin polimerikoa tailerra egin genuen Karrantzan. Bertan, oso ondo pasatzeaz gain, familian euskaraz  aritzeko tarte polita igaro genuen gurasolagun pasaportearen ekimenaren azkenaurreko ekitaldian. Buztin polimerikoaz egindako bolak, txurruak, konoak, etab. erabiliz, oso krokodilo ederrak egin genituen Urkok eta Aitziberrek lagundurik. Hurrengoa, Diskofesta Sodupen!!!

MILA ESKER URKORI, AITZIBERRI ETA 

HARA HURBILDU ZINETEN GUZTIOI!