2011/11/24

Gabonetako afaria!!


Zuen iritzi eta bozketatik abiatuta, gabonetako afariaren data zehazteko unea iritsi da... Azkenean, Enkarterriko euskaldunok batuko gaituen afaria Abenduaren 9an izango da!!! Momentuz Sodupen elkartuko gara. Gonbidapena zuen laguneei luzatu, eta animatu!!

*Zuen asistentzia aurretik konfirmatu mezedez.

2011/11/17

Dantzatzerik nahi?



Bi astetik behin
dantza ikastaroa BALMASEDAN izango dugu, gure berbalaguna den Goioren eskutik!!! Bertan, erromerietako dantzak ezagutzeko eta elkarrekin primeran pasatzeko aukera paregabea daukagu!!!
Beraz, parte hartzeko lehengo saioa ABENDUAK 2 EMAKUMEAREN ETXEAN (17:00-18:30) izango da. ANIMATU ZAITEZ!!!

*Ikastaroa hamabostero izango da. (Ab.2, Ab. 16...)

Balmasedan bertsotan hasi nahi?




Balmasedan
bertsotan ikasteko eta aritzeko aukera paregabea daukagu!!
BERTSO ESKOLA martxan jarri da! 12 urte baino nagusiagoa bazara, eta bertsotan ikasi nahi baduzu... amimatu zaitez!! ASTELEHENERO 17:00etan KULTUR ETXEAN

2011/11/16

Ostiralean bi berbalagunek badute plana!!



Mikel Urdangarinen kontzerturako zozketaren irabazleak baditugu.....

ARKAITZ PEÑA eta ROBERTO BLANCO. Badakizue nork gonbidatu?

ZORIONAKKKKK!!!!

Badator gabonetako afaria !!!!!!!!




Urtero bezala gabonetako afaria antolatuko dugu. Arkaitzek, gure berbalagun informatikariak, inkesta eskegi du guztion artean eguna aukeratzeko. Parte hartu hemen klikatuz !!!

2011/11/11

Berbalagunentzako sarreren zozketa !!!





Enkarterriko berbalaguna bazara eta Mikel Urdangarin gustoko baduzu ez galdu aukera paregabea !!! 2 pertsonentzako bina sarrera ditugu oparitzeko!!! Kontzertua hilaren 18an izango da Balmasedako Klaret Antzokian. Zozketan izena emateko azken eguna hilaren 15a. Anima zaitez izena ematera !!!

2011/09/09

Berbakafea Balmasedan!

Oraindik aukera daukazu hilaren 17an Balmasedan ospatuko dugun Berbakafearen III. edizioan parte hartzeko!



Goizeko 11:00etan San Juan Plazan elkartuko gara berba egiteko prest. Bitartean gosari goxo-goxoa hartzera gonbidatuko zaitugu eta zenbait sorpresa egongo dira goizean zehar.

Anima zaitez eta izena eman 13a baino lehen!!

2011/06/29

Oporretan gaude !!!

Ekaina bukatu da eta horrekin batera gure bateriak ere bai... beraz... gu bagoaz !!! Baina badakigu kafe bat zor dizuegula... ez dugu ahaztu, baina irailera arte itxaron beharko duzue. Dena den, erreserbatu eguna zuen agendetan, Berbakafea III. edizioa irailaren 17an izango da.

Uda on pasa!

2011/06/17

Donibane Gaua Galdamesen !!!

Ekainaren 23an gaueko 22.30ean udako solstizioa ospatuko da Galdamesen. Bertara hurbiltzen direnak ordubete iraungo duen "Ametsetan: Galdamesko Donibane Gaua" emankizunaz gozatu ahal izango dute. Ikuskizunak 7 agerraldi izango ditu eta bertan gure mitologiako pertsonaiarik ospetsuenak aurkituko ditugu: akerrak, lamiak, sorginak, Mari... Eta antzezpenaren ostean txokolatada !!! Ez galdu gau magikoaz gozatzeko aukera !!!

2011/06/16

Gordexolako IV. Euskal Jaia

Ekainaren 26an, igandea, Gordexolako Argizka Emakumeen Elkarteak antolatuta eta Udalak lagundutako IV. Euskal Jaia ospatuko da. Aurtengo nobedadea Euskal Ezkontzako protagonistek zilarrezko ezteiak ospatuko dituztela izango da.

--> Txistulariek kalejira girotuko dute eta eguerdiko hamabietan hasiera emango zaio Euskal Ezkontzari.
--> Zeremonia bukatuta bertsolariak arituko dira.
--> Horren ostean, festa San Kosme zelaietara mugituko da, bertan antolatuko baita herri bazkari jendetsua.
--> Arratsaldean umeentzako ipuin kontalaria eta Hodoibaltza Euskara Elkarteak antolatutako haur jolasak egongo dira.
--> Seietan euskal erromeria.
--> Zortzietan Molinar plazarako jaitsiera eta ezkonberriei agurra.

2011/06/15

24an afaria!

Azken afaria egin genuenetik sei hilabete igaro dira, beraz, ez duzu uste Enkarterriko Berbalagunok elkartzeko ordua dela?? Hala uste baduzu, ez izan zalantzarik eta eman izena ekainaren 24an ospatuko dugun afari mundialan parte hartzeko!





Hitzordua: 20:30ean elkartuko gara poteoan ibiltzeko eta 22:00etan Balmasedako Igerilekuetako jatetxean afalduko dugu.

Prezioa: 20 €

Menua: Konfirmatu gabe, zehazten dugunean esango dizuegu.

Izena eman: Beharrezkoa da 20a baino lehen izena ematea. enkarterri@aek.org


Anima zaitezte!

2011/06/10

AEKrekin euskararen bide naturalak ezagutu!

Urtero bezala, AEK-k bere udako eskaintza prestatu du; ikastaroak, barnetegi arruntak, familia barnetegiak... Baina naturarekin harreman estua izan nahi baduzu, aukera bereziak badituzu.
Urepeleko barnetegian, euskara eskolez gain, inguruko mendietara txangoak egiteko aukera eskaintzen du.
Barnetegi ibiltarietan, bizikletaz eta oinez, ez dago eskola ordurik mintzapraktikara bideratuta daudelako , baina arduradunak irakasleak direnez edozein zalantza argitzeko prest dauzkazu.
Animatu eta ezagutu eskararen bide naturalenak!
info +

2011/05/31

Jaioberriei euskaraz !!!

Gordexolako Euskara Zerbitzuak Eman giltza- ¡háblale, escúchale! kanpainarekin bat egin du. Ume jaioberriak eta 1-6 urte bitarteko umeak dituzten familiei euskararen transmisioa sustatzeko materiala helaraziko die Udalak. Gurasoek diptikoa, KU-KU liburuxka eta CD bat jasoko dute non oinarrizko euskarazko hitzak, esamoldeak eta abestiak batzen diren. Informazioa zabaltzeko: hemen

2011/05/30

Euskal ezkontza !!!







Ekainaren 18an Balmasedan ospatuko den Euskal Ezkontzarako dena prest !!!




Egitaraua:

11.00 Txalaparta San Severinon. Kalejira S. Juan plazaraino (senargaiaren koadrila).

12.00 Emaztegaiarekin bat egitea eta hamaiketakoa S. Juan plazan.

12.30 Kalejira S. Severino enparantzaraino, denok elkarrekin.

13.00 Ezkontza zibila eta erlijiosoa. Aurrezku, jota, arin-arin. Taldeko argazkia.

13.45 Trikipoteo.

15.00 Bertsolaria. Kantabazkaria. Nagusiak 9 euro, txikiak 3 euro. Bonoak ekainaren 3tik salgai Carambolan, Eguzkin eta Herriko Tabernan.

15.30 Bazkaldu eta gero txikientzako tailerrak egongo dira.

18.00 Sokatira.

19.00 Euskal Erromeria.

2011/05/18

Ibilaldira joateko autobusa !!!

Aurtengo Ibilaldia, askok jadanik jakingo duzuen moduan, maiatzaren 29an izango da Ondarroan. Giro euskaldunean egun atsegina pasatzeko aukera ederra da eta Balmasedako Zubi-Zaharra Ikastolak eta Udaleko Euskara Zerbitzuak jai honetarara joateko autobusak jarriko dituzte !!! Balmasedakoek 5 euro ordaindu beharko dituzte eserlekua izateko eta kanpotarrek 6. Autobusa goizeko 9etan aterako da herritik eta itzulera 20.00etan izatea aurreikusten da. Izena emateko azken eguna maiatzaren 23an izango da. Ez galdu aukera !!!

2011/05/12

Enkarterri, bertsoz bertso!

Urtero legez, aurten ere punta-puntako bertsolariak Zallako Zine Antzokian datorren ostiralean, maiatzak 20, 20:00etan.


Aurten Maialen Lujanbio (2009ko Bertsolari Txapelketa Nagusiko txapelduna), Amets Arzallus, Sebastian Lizaso, Arkaitz Estiballes eta Zallako Bertso Eskolako Arrate Zubigarayren bertsoekin gozatzeko aukera izango dugu.

Berbalagunentzat gonbidapenak ditugu!. Zurea lortzeko bidalguzu mezua (enkarterri@aek.org) maiatzaren 18a baino lehen!.

Anima zaitez!

2011/05/09

Jon Sarasua Balmasedan !!!



Balmasedako Institutuak Jon Sarasua ekarriko du Balmasedara. Irakasle, kazetari eta soziologoa asteazkenean izango da San Juan Enparantzako Gaztetxokoan, arratsaldeko 17.00etan. Ez galdu aukera !!!

2011/05/03

Herri Urratsera joateko autobusa doan !!!




Igande honetan, maiatzak 8, Iparraldeko ikastolen jaia ospatuko da Senperen eta Balmasedako Euskara Zerbitzuak doako autobusa jarri du !!! Balmasedatik goizeko 9etan aterako da autobusa (tanatoriotik) eta 20.00etarako bueltan izango gara. Izena emateko tokiak, ondoko bi hauek: Zubi Zaharra Ikastola eta Euskara Zerbitzua (udaletxeko 1. pisuan). Izena emateko epea gaur, maiatzak 3, bukatzen da, beraz, ez lokartu eta eman izena !!!

2011/04/08

Apirilak 15: jantzi euskalakari zapatilak eta zatoz korrikara !!!



Datorren ostiralean, hilak 15, Korrika gure eskualdetik igaroko da. Bakoitzak ahal dituen kilometroak egin ondoren indarrak berreskuratzeko aukera izango dugu. Gure proposamena Balmasedako ekintzetan parte hartzea da, planak honakoak dira:


19.00etan "Euskal ezkontza 1011" aurkezpena eta argazki proiekzioa, kultur etxean.


20.00etan Triki-poteoa herrian zehar


22.00etan PAELLADA kultur etxeko patioan. Bonoak : 10 euro nagusiak eta 5 euro umeak. Bonoak eskuratzeko: Dantza lokalean, Herriko Tabernan, Eguzkin eta Caranbolan.


Beraz, joango gara berbalagunak elkarrekin paella afaltzera???

2011/03/28

Euskalakarion topaketa!



Korrika badator eta martxan jartzeko ordua da!

Berotzen hasteko ostiral honetan Enkarterriko Euskalakarion topaketa izango dugu, adi egon!


Zer: Bertso afaria, Jon Martinez eta Aitor Arrutia bertsolariekin.

Noiz: Apirilak 1, ostirala, 21:30ean.

Non: La Herrerako Zubiondo Jatetxean.

Prezioa: 15 €

Izena eman: AEK Euskaltegian. 946670312 / 605395679 - enkarterri@aek.org

2011/03/22

Berbatxotxeko argazki lehiaketa !!!

Larunbateko ajea gaindituko genuen guztiok dagoeneko, ezta? Egunak gauza ugari egiteko tartea eskaini zigun: poteoan ibiltzeko, txotx egiteko, koadrilan abesteko, beste eskualdeko berbalagunak ezagutzeko... eta bebai... argazkiak ateratzeko, noski !!!!!!! Beraz, hauxe da gure proposamena: aukeratu larunbatean atera zenituen argazki dotoreenak eta parte hartu AEKko Mintzapraktika Zerbitzuak antolatu duen lehiaketan !!! Argazkiak helbide honetara bidali: praktikatu@aek.org (banan-banan). Argazkiak bidaltzeko epea astelehenean, hilak 28, bukatuko da. Animatu eta parte hartu !!!

2011/03/18

Iulian Iantzi Balmasedan !!!




Iulian Estatu Batuetan jaio eta hazi zen eta 7 urteetara arte ingeleraz eta euskaraz besterik ez zen mintzatzen... Bere familiarekin Euskal Herrira bueltatu zenean erdara ikasi behar izan zuen... ez al zen ba nahikoa euskara menperatzearekin? Iantzik euskararekin duen harremanaz hitz egingo digu hilaren 24an Balmasedako Kultur Etxean, 17.00etan.

Antolatzailea: Balmasedako Euskara Zerbitzua

2011/03/15

Kopla idatzi sariketa



Parte hartzaileak: AEKko euskaltegietako taldeak zein praktika egitasmoetako taldeak.

Egin beharrekoa: 6 koplaz osatutako bertsoaldi bat idatzi. Doinua: ama begira zazu, ikusi nuenean)

Gaia: Euskalakari baten eguna

Azken eguna: apirilak 1

Bidaltzeko helbidea: prentsa@aek.org

Epailea: Bertsozale Elkartea

Saria: irabazten duen taldeak afari edo bazkari bat sagardotegi batean, bi bertsolarirekin.

Sariduna Korrikaren amaieran jakinaraziko da.


OHARRA: Bertsoaldia idaztea eta bidaltzearekin aski da baina bertsolaritzan doinua ere ezinbesteko osagaia denez, koplak abestera animatu nahi zaituztegu; beraz, telefono batekin edo kamera arrunt batekin zuek kantatutako bertsoaldia grabatu eta bidal dezakezue; bideoz iristen diren bertsoaldiek puntu gehigarri bat izanen dute.

2011/03/11

Enkarterri ere Far West da!


Enkarterritik autobusa aterako da eta bertan 200 berbalagunetik gora elkartuko gara, eta zeu?

2011/03/03

Inauteriak Enkarterrin!

Enkarterrin asko dira inauteriak ospatzeko antolatu diren ekitaldiak. Hona hemen horietako batzuk:

Balmaseda
Martxoak 4, ostirala
18:00 - 19:30 Aurpegi margokuntza tailerra, mozorroturik doazen 13 eta 17 urte bitarteko gazteentzat (Gaztetxokoan)
Martxoak 5, larunbata
19:00 Inauterietako Mozorroen XVIII. Lehiaketa nagusia
20:00 Berbena "Hollywood" taldearekin
Martxoak 6, igandea
12:30 Euskal Herriko Inauteriak, Eguzki Dantza Taldearen eskutik
Martxoak 7, astelehena
21:00 Herriko Umoristen XVIII. Erakustaldia "Maritxu Zorrilla Memoriala"
Martxoak 8, asteartea
10:00 Hiriko dendari eta tabernarien mozorroak
12:15 Bermouth dantzaldia Fanfarria turutarraren eskutik
13:00 Ogi-tosta lehiaketaren XV. edizioa
18:00 Berbena "Alto Standing" orkestraren eskutik
19:00 Inauterietako kalejira
19:45 Berbenaren jarraipena (Sari banaketa: XVIII. mozorro- lehiaketa, XV. ogi-tosta lehiaketa, garaikurra ondoen apaindutako denda-tabernari).

Galdames
Martxoak 8, asteartea 17:00 Makilaje tailerra
18:00 Panpin berbena
19:30 Txokolatada. Kultur Aretoan.

Gordexola
Martxoak 4, ostirala
18:00 Mozorro festa, Kultur-Etxean
Martxoak 5, larunbata
18:00 Inauteri mitologikoa


Gueñes
Martxoak 5, larunbata
17:00 Txotxongilo, mozorro eta abarreko Tailerrak
19:00 "SAMBHU TEATRO" taldearen eskutik JAI INAUTERIA
20:30 Txokolatada

Sodupe
Martxoak 4, ostirala
16:30 "HAKKER" taldearen eskutik musikaldiaren hasiera
18:00 Jakin eta jolas "DANTZAZ BLAI" jaialdia
19:00 Konpartsa jaitsiera
20:00 Mozorro lehiaketa

Sopuerta
Martxoak 7, astelehena
18:30 Mozorro festa. Eusko-Diskoteka, Auzoetxean
Martxoak 12, larunbata
18:30 Euskal Inauteriak. Mercadilloko Pilotalekuan

Zalla
Martxoak 4, ostirala
20:00 El Baular auzotik Inauteriko kalejira handia
20:45 Inauteriak hasteko pregoia
21:00 Gaujaia "LAUKI TALDEA"ren eskutik
Martxoak 5, larunbata
13:00 Zallako "IBAI LORAK" Dantza taldearen Erakustaldia
15:00 Konpartsen bazkaria
16:30 Umeentzak "DISKOFESTA," kiroldegian.
17:30 "DUO IZANA", kiroldegian
20:00 Musika jai esparruan "JOSELU ANAIAK"
23:00 "DJ ILIA"
Martxoak 6, igandea
11:00 Inauteriko tailerrak
12:00 Gaztelu puzgarriak
19:00 Inauteriak bukatzeko martxa eta amaurrainaren erreketa
20:00 Dantzaldia Zallako "AITA ZORTZIKO" fanfarriaen eskutik
20:00 Txokolatada

2011/02/22

Berbatxotx 2011 !!!!!!!!!!!

NOIZ: Martxoaren 19an, larunbata. Egunpasa.
NORA: Etxeberria sagardotegira, Astigarraga
NOLA: Autobusez. Geralekuak ohiko tokietan --> Balmaseda, Zalla, Aranguren, Gueñes...
ZENBAT: 30 euro. Menua: txorizo pintxoak, tortila, bakailoa, txuletoia, gazta & irasagarra, kafea.
SORPRESAren bat edo beste konfirmatzeke !!!
IZENA EMATEKO EPEA: Martxoak 14. PLAZA MUGATUAK !!!!
IZENA EMAN: enkarterri@aek.org 946 670 312
Antolatzailea: Enkarterriko Berbalagun
Laguntzaileak: Balmaseda eta Enkarterriko Mankomunitateko Euskara Zerbitzuak.

2011/02/16

17. Korrikaren aurkezpena!

Korrika gero eta hurbilago dago eta ostiral honetan, otsailak 18, Korrikaren aurkezpena izango da Zallako Kultur Etxean, 19:00etan. Aurkezpenean aurtengo edizioaren n0ndik-norakoak, leloa, omendua, euskalaklipa eta gehiago..... Ezin duzu galdu!

Korrika, AEK-k antolatuta, Euskal Herri osoan zehar egiten duen euskararen aldeko lasterketa erraldoia da. Gure hizkuntzaren aldeko kontzientzia suspertzea eta gau-eskola zein euskaltegien eguneroko lana indartzeko dirua biltzea ditu helburu.

2011ko apirilaren 7an hasita, 11 egunez eta gelditu gabe, Euskal Herria zeharkatuko du, Trebiñutik Donostiara, 17. Korrikak.

2011/02/14

Museora goaz !!!

Dakizuenez, larunbat honetan euskal museora joango gara. Balmasedatik 9.50ean ateratzen den trena hartuko dugu, Zallatik 10etan pasatzen da eta Sodupetik 10.15ean. Horrela, 10.40ean Bilbora helduko gara eta hamaiketan museora sartuko gara bisita gidatua hasteko. Ondoren, berba-pintxo-poteoa alde zaharretik !!!



2011/02/04

2011/01/31

badator, badator... berbalagun guztiok elkartzeko plana!!!

Gabonetako afariaz geroztik ez dugu berriro ekitaldi bateraturik egin, beraz, hona hemen gure proposamena !!! Otsailaren 19an Enkarterriko mugak igaroko ditugu hirira hurbiltzeko, Bilboko alde zaharrera zehazki. Ideia da goizeko 11etan euskal museora joatea eta bertan bisita gidatua egitea. Museotik irtetzean alde zaharreko tabernak bisitatzea da kontua, tabakoaren lege berriak eragina izan ote duen eta horrelakoak ikustera...

Museorako sarreraren prezioa 3 euroko da eta izena emateko epea otsailaren 9an bukatuko da. Garrantzitsua da izena ematea, bisita gidatua denez jende kopurua jakin behar da taldeka sartu behar garen jakiteko.

2011/01/28

Enkarterriko irakurle klubaren proposamena!

Hauxe da otsailean irakurtzeko Enkarterriko Irakurle Klubak proposatzen digun liburua:
Miren Agur Meaberen "Zazpi orduak".
Hartu liburua eta hasi irakurtzen!
Taldea martxoaren 8an arratsaldeko 19:30ean elkartuko da liburuaz mintzatzeko eta iritziak konpartitzeko. Non? Betiko lekuan: Zallako Arlekin tabernan.
Irakurle kluba talde irekia da. Parte hartzeko baldintza bakarra da proposatutako liburua irakurri izana.
Irakurtzea gustuko baduzu, anima zaitez eta etorri Enkarterriko irakurleen topaketara!

2011/01/21

Gordexola Harana Ipuin Lehiaketan parte hartu!

Lucio Beraza Kultur Etxeak martxan jarri du Gordexola Harana Ipuin Lehiaketako XXIII. edizioa.
Idaztea gustuko baduzu, gogoratu lanak urtarrilaren 28ra arte aurkeztu ahal izango direla Gordexola Udaletxean bertan.
Gaia: Librea izango da.
Oinarriak: Lehiaketak hiru partaidetasun eremu izango ditu: Euskal Herria, Enkarterri eta Gordexola. Gainera, 8 kategoria ditu, beraz, adin guztietako pertsonek parte hartu ahal izango dute.
Sariak: 3.500 eurotik gora banatuko dira saritan; haur kategorietako irabazleak, berriz, eskola materiala jasoko du.
Informazio gehiago: Gordexolako Kultur Etxean astelehenetik ostiralera, 17:00etatik 21:00etara. Tel: 946798061. kegordexola@gordexola.net.
Ikusi kartela!!

2011/01/13

...idaztea gustuko duzuenontzat...

Berriobeitiko Udalak Narrazio Erotikoen 2011ko Literatur Lehiaketa antolatu du. Edozeinek har dezake parte eta lanak euskaraz zein gazteleraz aurkez daitezke. Idatziek gehienez 15.000 karaktere izan ditzakete (hutsuneak barne). Saria 1.500 eurokoa da eta parte hartzeko epea martxoaren 31ean bukatzen da.

Informazioa zabaltzeko:
Tlf. 948 38 32 54