2008/02/26

Lá Nua


Irlandako gaelikoa ez da oso hizkuntza osasuntsua, ez hizkuntza handiekin konparatuz, ezta euskara bezalako txiki batzuekin konparatuta ere. Urteetan hiztunak galduz joan da ia desagertzeraino. Aurrean izan duen arerioa ere ez da edozein: ingelesa.

Hala ere, Euskal Herriko eredu hartu eta Berria egunkaria bezalako proiektu bat sortu zuten duela urte batzuk hizkuntzaren inguruko zenbait eragilek. Jendeak bere poltxikotik dirua jarri eta egunkari bat sortzea erabaki zuten: Lá Nua izenekoa. Hala ere, egunkari honek ezinbestekoa du dirulaguntza publikoa, bai Ipar Irlanda eta baita Irlandako Errepublikak emandakoa.


Gauzak horrela, aurten, Ipar Irlandako administrazioak dirulaguntza murriztea erabaki du eta egunkari hau bi astetan ia itxi egin beharko dute. Martxoko lehen astean azken aleak aterako dituzten beldur dira egunkariko langileak. Hizkuntza txikia izanik, kalean duen presentzia apurra guztiz galduko litzateke, horrek dituen eragin guztiekin.


Egunkariari dirulaguntzak ez kentzeko eskatuz, Interneten sinadurak biltzen hasi dira irlandarrak. Guk ere badakigulako zein zaila den hizkuntza txiki bat bizirik mantentzea, eta hau egiteko, zein garrantzitsua den hedabideak izatea, gure babesa eman behar geniekeela uste dut.Babesa eman nahi duenak beheko helbidean bere sinadura jarri eta email hau pasako balu, elkartasuna erakusteko modu polita litzateke.

2008/02/18

Epea zabalik!!


Euskararen gidabaimena ateratzeko epea zabaldu da. Ez galdu denbora eta atera zeurea, 29ra arte daukazu gidabaimena eta txapa lortzeko eta martxoaren 3an jokoa hasiko da!!.
Izena eman: enkarterri@aek.org
94 6670312

1-Gordexolako liburutegian
2-Gordexolako Euskara Zerbitzuan
3-Balmasedako Gaztezer lokalean
4-Balmasedako Gazte Lokalean
5-Balmasedako Euskara Zerbitzuan
6-Zallako Zuretxe tabernan
7-Zallako Gaztezer lokalean
8-Udal Euskaltegian
9-AEKn
10-Sodupeko liburutegian
11-Sopuertako liburutegian

2008/02/12

Lanerako idazkiak


Martitzenean, otsailak 19, arratsaldeko 16:00etan “Lanerako Idazkiak” merkatarientzako liburuxkaren aurkezpena egingo da, Balmasedako kultur etxean. Merkatari guztiei banatuko zaien argitalpen honek tresna baliagarria izan nahi du, euskara normaltasunez eta maiztasun handiagoz erabiltzeko ahalegina egiten ari diren merkatari eta ostalarientzat.
Antolatzailea: Balmasedako euskara zerbitzua

Hitzaldia

Barikuan, otsailak 15, Balmasedako kultur etxera Nahia Orduña eta Gorka Oteiza, bidaiazaleak, Myanmar herriari buruz hitz egitera etorriko zaizkigu. Hitzaldia euskaraz izango da entzuleek horrela eskatuz gero.

Hitzaldia 20:00etan hasiko da.

Antolatzailea: Balmaseda ekin gazte informazioa eta Gazteser.

Diaporama


Eguenean, otsailak 14, arratsaldeko 19:00etan Gordexolako kultur etxera Asier Arantzabal eta Mila Gallastegi etorriko zaizkigu Indonesiari buruz hitz egitera.
Antolatzailea: Hodoibaltza Euskara

2008/02/04

Euskararen gidabaimena

Joko honek euskararen erabilera bultzatzea du xede eta aldi berean euskaldunei elkar ezagutzeko aukera gehiago ematea. Horrekin batera, euskaldunen hizkuntza ohituren aldaketa bultzatu nahi dugu, Enkarterrin ere euskaraz bizi ahal dela erakutsiz.

Ideia Balmasedan jaio zen, Ekintza gazte taldeak antolatu zuen joko hau lehenengoz, haien artean euskararen presentzia areagotzeko. Jokoak oso harrera ona izan zuen, baina jarraipen eza zela eta bertan behera geratu zen. Orduan pentsatu zen jokoa Enkarterri mailan antolatu ahal zela, jarraipena eta parte hartzea handituz.
Zelan Jolasten da?

Jokalari bakoitzari, euro baten truke, 12 puntuko gida baimena banatuko zaio. Puntuak mantentzeko era bakarra jolasten ari diren lagunekin euskaraz mintzatzea da. Jokoak irauten duen bitartean derrigorrezkoa izango da gidabaimena aldean eramatea.

Zelan jakin nork jolasten duen eta nork ez?
Gida baimenarekin batera txapa borobil bat banatuko zaie jokalariei, horrela jolaskideak identifikatzea posible izango da.

Zergatik galdu ahal dira puntuak?
Euskaraz ez hitz egiteagatik: puntu bat
Txapa edo gidabaimena gainean ez eramateagatik: puntu bat

Nork kendu ahal ditu puntuak?
Jolasten ari den edonork, kendu ahal ditu puntuak, baldin eta txapa eramaten duen. Horregatik, jokoan parte hartzen duenak, txapa egunero eraman beharko du.
Gidabaimena aldean eramaten ez duenari puntu bat kenduko zaio, beraz jokalari batek euskaraz egiten ez badu eta gainera ez badu gidabaimena aldean eramaten bi puntu galduko lituzke. Aldi berean puntuak kendu nahi dituen pertsonak bestearen gidabaimenean bere zenbakia idatziko du.

Nola kendu puntuak?
Momentuan:
Jolaskideari gidabaimena eskatu, puntua kendu eta zure zenbakia idatzi.
Salaketa jarriz telefonoz
(946 670 312)
e- postaz ( enkarterri@aek.org)


Puntuak berreskuratu
Puntuak berreskuratzeko bi bide daude:
- Eskualdean egiten diren euskarazko ekintza gehienetan parte hartuz. Ekintza bakoitzeko puntu bat.
- Jolaskide berriak aurkituz. Partaide bakoitzeko puntu bat.

Irabazleak
Puntu gehien dituzten pertsonek irabaziko dute , berdinketa egonez gero, jolaskideei kendutako puntu kopurua kontuan hartuko da. Zenbat eta puntu gehiago kendu hobeto.

Inork ezingo ditu 12 puntu baino gehiago eduki.

Sariak
Asteburu pasak, afariak, telebistak, DVDak...

Izena eman:
94 66703 12
enkarterri@aek.org

Epeak:
Izena eman: Otsailaren 18tik 29ra
Jokoaren hasiera: Martxoaren 3a
Jokoaren bukaera: Ekainaren 6a

Izena emateko epe gehiago:
apirilaren 14tik 18ra
(jokoa 8 punturekin hasiko da)
maiatzaren 5etik 9ra (jokoa 6 punturekin hasiko da)

2008/02/01

Laponia


Iosu Elejalde, bidaiazalea, “Border to border” munduko eski-iraupen lasterketarik luzeena kontatzera etorriko da Otsailaren 7an Balmasedara.
Lekua: Mendiko etxean

Antolatzailea: Balmaseda ekin gazte informazioa eta Gaztezer

sms bero-beroak


Badator Otsailak 1etik 10era SMS bero-beroen III. Lehiaketa
Baldintzak: Euskaraz izan behar da
Gehienez 160 karakterekoa
Irudirik gabekoa
Sariak: i-pod bat, 50 € euskarazko produktuetan
Ateraiozu sua sakelakoari!!
Mezuak bidali sakeleko zenbaki honetara: 688666288

Antolatzailea: Mankomunitateko eta Balmasedako Euskara Zerbitzua