Gurasolagun pasaportea. Inauteri-maskara tailerra. Kronika

Aurreko larunbatean, otsailaren 15ean, Gurasolagunok Galdameseko kultur-aretoan elkartu ginen eva-gomazko inauteri-maskara zoragarriak egiteko.

Eredu koloretsu eta erraz batzuen laguntzaz, euskal mitologiako pertsonaien maskarak sortu genituen: Tarttalo, Herensuge, Sorgin edo Ekhi bihurtu ginen.

Gurasoak eta haurrak euskaraz mintzatzeko eta elkarrekin egoteko aukera paregabea izan zuten. Hona hemen argazkiak:

     

Hurrengora arte, Gurasolagun!

Gatz museora eta sagardotegira txangoa!

Txotx denboraldia hasita, martxoarekin batera, kultur txangoa egiteko unea heldu zaigu berbalagunoi. Aurten, martxoaren 14an egingo dugu eta Leintz Gatzagara abiatuko gara Gatz museoa bisitatzera. Museoa bisitatu eta herritik bueltatxo bat egin ostean, Arrasateko Zabolain sagardotegian bazkari ederra egingo dugu. 

Hementxe duzue plana:

9:00 - Balmasedako bus geltokian.

9:15 - Zallako udaletxe ondoko bus geltokian.

9:30 - Gueñesko bus geltokian.

9:45 - Sodupeko bus geltokian.

11:30 - Leintz Gatzagako Gatz museoari bisita.

14:30 - Bazkaria Zabolain sagardotegian.

19:30 - Buelta etxera.

Prezioa: 35 €.

Izena emateko: enkarterri@aek.eus, 671 070 044 (Whatsapp)

Txartela eskuratzeko azken eguna martxoaren 6a izango da.

BERAZ, ARIN IBILI ETA ESKURATU ZURE TXARTELA,

PLAZAK MUGATUAK DIRA ETA!

Badator Balmasedako mintzodromoa!

Otsailaren 20an, osteguna, goizeko 10:30ean euskaldunok eta euskara ikasten ari direnok euskaraz mintzatzeko aukera paregabea izango dugu Balmasedako pilotalekuan egingo dugun mintzodromoan. Mahai inguruan egungo gai batzuei buruz arituko gara iritziak eta ideiak elkartrukatzen. Euskara maite baduzu eta Enkarterrin euskaraz bizi nahi baduzu, ez galdu aukera!

Izena emateko: enkarterri@aek.eus edo 671 070 044 (Whatsapp). Otsailaren 17ra arte.

ANIMA ZAITEZ!

ADI! Gurasolagun pasaporteko ekintza

Kaixo, lagun!

Gurasolagun pasaporteko otsaileko ekintzan data aldaketa dago: otsailaren 15ean izango da, larunbatean, goizeko 11:30ean. Galdemesko kultur-aretoan elkartuko gara familian euskaraz aritzeko.

Inauteriak prestatzen hasiko gara kolorez beteriko eva-gomazko maskarak eginez.

Tailerrean parte hartzeko, euskaraz jakiteaz gain, izena ematea beharrezkoa da. Horretarako, mezu bat bidali 671 070 044 telefonora (WatsApp) edo enkarterri@aek.eus posta helbidera otsailaren 13a baino lehen. Partaide kopurua mugatua da; beraz, izena eman lehenbailehen.

Zatoz familia eta ez galdu euskaraz aritzeko aukera!

Otsaileko agenda!

Gurasolagun pasaportea: Paper birziklatua sortzeko tailerra. Kronika.

Aurreko ostiralean, urtarrilaren 24an, Gurasolagunok Gordexolako kultur etxean elkartu ginen paper birziklatua sortzen ikasteko. Primeran pasa genuen paper erabiliak zatitzen (txiki-txiki utzi genituen), zelulosa orea egiten eta berau iragazkitik pasatzen. Eta guk geuk egin genituen iragazkiak!
Ondoren, lortutako orea lehortu bitartean, nahi adina paper berri egin genuen; eta den-denak ederrak benetan!

Mila esker gurekin arratsaldea igaro zenuten guztioi, eta batez ere, Urkori.

Hurrengora arte, Gurasolagun!

 

Kirola eta Natura 2020, Altubeko baso eta ur-jauziak.

       Hona hemen KIROLA eta NATURA 2020ko 2. irteera: otsailaren 16an, 

🌳Altubeko baso eta ur-jauziak.

Izena emateko > https://bit.ly/381ssd1

  

ANIMATU ETA ETORRI GUREKIN

                                          EUSKAL HERRIKO TXOKORIK EDERRENAK EZAGUTZERA!
 

Bota begidaratxo bat aurreko txangoaren argazkiei > https://labur.eus/xRvdm

Gurasolagun pasaportea: Paper birziklatua sortzeko tailerra

Gurasolagun pasaporteko 4. ekintza hurrengo ostiralean izango da, urtarrilaren 24an. Oraingoan, Gordexolako Kultur Etxean elkartuko gara, arratsaldeko 17:30ean.

Bertan, paper birziklatua sortzen ikasiko dugu. Horrela, erabilitako paper zatiei bigarren bizia emango diegu eta guk nahi adina paper berri lortuko dugu. Teknika erraza erakutsiko digute, baina oso dibertigarria!

Halaber, gogoratu tailerra gurasoak eta haurrak elkarrekin euskaraz aritzeko gunea dela, baita Enkarterriko beste familia euskaldunak ezagutzeko ere. 

Partaide kopuru mugatua izango da, beraz, izena eman ahalik eta lasterren. 

Zuen zain egongo gara Gurasolagun!

2020an izan zaitez Berbalagun!

KIROLA eta NATURA 2020.

Hurrengo irteera: urtarrilaren 26an, orientazioa proba Delikako zirkuan.

Izena emateko > https://bit.ly/381ssd1

(Familian egiteko ibilbide egokitua ere izango da)

Anima zaitez berbalagun!

Bidelagunak nahi ditugu!

        Bidelagunak nahi ditugu berbataldeak aktibatu eta euskalduntzen ari direnei laguntzeko.
Baina, horretarako, ez dugu euskara-irakaslerik behar. Izan ere, mintzataldeetan ez dago eskolarik, ezta zuzenketarik ere; euskaraz natural egiten duen edonor bidelagun izan daiteke.

        Berbataldean, lagun eta esperientzia berriak ezagutuko ditu. Horrez gain, bidelagun izateak abantailak dakartza: deskontuak, opariak, zozketak...

         Bidelaguna izan nahi baduzu, mezua bidali enkarterri@aek.eus helbidera edo whatsapp bidali 671 070 044 telefonora.

 

ANIMATU ETA IZAN ZAITEZ BIDELAGUN!

Gurasolagun pasaportea: Gabonetako tailerra. Kronika.

Gurasolagun pasaporteko 3. ekintza aurreko ostiralean, abenduaren 13an, burutu genuen Sodupeko Kultur etxean. Bertan, hainbat familiek Gabonetako feltrozko botak egin zituzten. Patroiak oihalean markatu, moztu eta elkar josi zituzten galtzerdiaren zatiak. Ondoren, kanpoaldea nork bere nahierara apaindu zuen feltrozko zatiekin, borlekin  edota purpurinarekin. Zoragarri ederrak geratu ziren Gabonetako apaingarri guztiak; baita oso koloretsuak ere!

Beraz, badakizu Gurasolagun euskaraz eta familian giro ederraz gozatu nahi baduzu, izena eman hurrengo ekintzan; primeran pasatuko duzu-eta!