Gordexola euskaldundu nahi?

       Gordexolan euskaraz bizitzea ez da batere erraza; klase, eskola edo euskaltegitik kanpo gaztelania da nagusi, euskara ikasleak eta euskaldunak, oro har, aukera murritzak ditu bere hizkuntzan mintzatzeko. Hori dela eta, orain dela urte batzuk euskararen erabilera sustatzeko Berbalagun egitasmoa abian jarri genuen Enkarterrin.

 

       Urte hauetan, gure lana baliatuz, euskaldunei zein euskara ikasten ari direnei euskaraz hitz egiteko esparru berriak eman dizkiegu. Horretarako hainbat berbatalde sortu dira eskualdean euskaraz hitz egiteko helburu bakarrarekin, ekintza osagarriak antolatu ditugu eta euskaldunentzat interesgarria izan daitekeen informazio guztia zabaldu dugu gure esku dauden baliabideen bitartez.

       Hala ere, aurrean daukagun erronka ez da erraza, eta eragile zein pertsona guztien parte hartzea ezinbestekoa da. Horregatik, mezu honen bitartez gure berbatalde eta ekitaldietan parte hartzera animatu nahi zaitugu; guztion artean, euskarak dagokion lekua izan dezan Gordexolan.

       Izena emateko edo informazio gehiago eskuratu nahi baduzu.

Telefono. 671 070 044
e-posta: enkarterri@aek.eus

Sagardotegirako irteera

       Martxoaren 5ean, larunbata, Enkarterriko euskaldunok Gipuzkoara abiatuko gara hango paisaia zoragarriez gozatzeko eta aurtengo sagardo berria dastatzeko.

IRTEERA: Karrantzatik, 8:15ean, Kontxako plazan (zehazteke).        

                 Balmasedatik, 9:00etan, Zuhaitz potoloan.

                 Zallatik, 9:15ean, Udaletxe ondoko bus geltokian.

                 Sodupetik, 9:30ean, Geltokian.

IBILALDIA: Zumaia - Zarautz (8 km)

BAZKARIA: Satxota sagardotegian (Aia)

PREZIO: 30 €

IZENA EMATEA: AEKn eta Udal Euskaltegian

                            Azken eguna: otsailaren 12a.

INFORMAZIO GEHIAGO: enkarterri@aek.eus edo 671 070 044 telefonora 

ANIMATU ETA EMAN IZENA AHALIK ETA LASTERREN

PLAZAK MUGATUAK DIRA ETA.

Otsaileko agenda!

Sopuertako berbalagun

       

       Sopuertan euskaraz bizitzea ez da batere erraza; klase, eskola edo euskaltegitik kanpo gaztelania da nagusi, euskara ikasleak eta euskaldunak, oro har, aukera murritzak ditu bere hizkuntzan mintzatzeko. Hori dela eta, orain dela urte batzuk euskararen erabilera sustatzeko Berbalagun egitasmoa abian jarri genuen Enkarterrin.

 

       Urte hauetan, gure lana baliatuz, euskaldunei zein euskara ikasten ari direnei euskaraz hitz egiteko esparru berriak eman dizkiegu. Horretarako hainbat berbatalde sortu dira eskualdean Euskaraz hitz egiteko helburu bakarrarekin, ekintza osagarriak antolatu ditugu eta euskaldunentzat interesgarria izan daitekeen informazio guztia zabaldu dugu gure esku dauden baliabideen bitartez.

       Hala ere, aurrean daukagun erronka ez da erraza, eta eragile zein pertsona guztien parte hartzea ezinbestekoa da. Horregatik, mezu honen bitartez gure berbatalde eta ekitaldietan parte hartzera animatu nahi zaitugu; guztion artean, Euskarak dagokion lekua izan dezan gure herrian.

       Informazio gehiago eskuratu nahi baduzu.

       Telefono. 671 070 044
       e-posta: enkarterri@aek.eus

Euskara eta kirola hitzaldia Balmasedan

       Datorren asteartean, 26an, arratsaldeko 17:00etan Kultur etxean izango dugun mahai-inguru interesgarri honetan parte hartzera gonbidatuta zaudete.

Apuntatu zuen agendetan eta 

aprobetxatu aukera!

Zer da berbalagun?

        Berbalagun egitasmoak hamar urte daramatza indarrean Enkarterrin euskararen erabilera sustatzen eta zabaltzen. Urte hauetan zehar Enkarterriko euskaltzaleen eta euskara ikasleen erreferente bihurtu da. Hori dela eta, erronka txiki bat proposatu nahi dizugu berbalagun egitasmoa ea zein puntutaraino ezagutzen duzun jakiteko, eta "Zer da berbalagun?” lehiaketa antolatu dugu.

        Parte hartzea oso erraza da. Beheko aldean dagoen loturan klikatu behar duzu eta agertu zaizkizun galderak erantzun baino ez duzu egin behar. Gainera, galderaren bat ez badakizu, gure blogera, berbaterri.blogspot.com, jo dezakezu eta erantzuna topatu.

       Halaber, galderak ondo erantzuten dutenen artean sari bikainak zozketatuko ditugu; Ken7, Hutsa eta Enkore musika taldeen disko bana.

       Erantzunak bidaltzeko azken eguna urtarrilaren 29a izango da.

Galderak erantzun eta zorte on!

  Parte hartzeko egin klik hemen.

Irakurle kluba

       Hil honen 26an, asteartea, arratsaldeko 18:30ean Zallako irakurle kluba berriro elkartuko da Arrate Egañaren "Paradisua" liburuaz hizt egiteko. Bertan liburuaren pasadizo interesgarrienetan murgilduko gara giro atseginean, eta  irakurtzean izan dituzuen sentimentuak eta sentsazioak elkartrukatzeko aukera izango duzue. Liburua eskuragarri duzue jada Zallako liburutegian.

ANIMATU ETA EKIN EUSKARAZ IRAKURTZEARI!

Enkarterriko euskaldunon IV. topaketa. Kronika

       Pasa den igandean, abenduak 13, eskualdeko euskaldunok oso egun polita igaro genuen Zallan antolaturiko Enkarterriko euskaldunon IV. topaketan. Goizean "Familian euskaraz jolasean" tailerrarekin hasiera eman genion ekitaldiz beteriko egunari. Zallako bertso eskolako lagunekin eta La Quadrako airea taldearekin Zallako kaleak euskaraz eta musikaz bete genituen bazkaltzera joan baino lehen. Indarrak berreskuraturik, kantuka eta dantzan hasi ginen. Jaiari amaiera ederra emateko Esther Egia aktoreak bere "lokero"-arekin konpartitutako bizipenak eta burutazioak entzuteko aukera paregabea izan genuen. Egun zoragarria domekan Zallan igaro genuena!!!

ESKERRIK ASKO ZALLAKO BERTSO-ESKOLARI, LA QUADRAKO AIREA TALDEARI, ESTHER EGIARI ETA HARA HURBILDU ZINETEN GUZTIOI!!!

  

Familian euskaraz jolasean tailerra

       Igande honetan, abenduak 13, Zallan egingo den Enkarterriko euskaldunon topaketaren egitarauaren barruan, gurasoek eta umeek antzinako euskal kantak eta jolasak ikasteko aukera paregabea izango dute goizean burutuko den “Familian euskaraz jolasean” tailerrean. Bertan, begirale batek lagunduta, gurasoak eta haurrak elkarrekin arituko dira euskaraz jolasten eta abesten. Tailerrean parte hartu nahi baduzu, hara hurbildu baino ez duzu egin behar. Goizeko 11:30ean, Mimetiz gimnasioan.

ANIMATU ETA EKIN EUSKARARI JOLASEAN!!!

Enkarterriko euskaldunon topaketa

       Hil honen 13an, igandea, Enkarterriko euskaldunon IV. topaketa egingo dugu Zallan. Egun osoan zehar, euskara nagusi, ume zein helduentzako ekintzak antolatuko dira: familian aritzeko tailerrak, bertso-jira, bazkaria, bakarrizketa, euskaraokea,...eta beste horrenbeste jolas eta sorpresa. Berbalagunekin, ikaskideekin, familiarekin edo koadrilako lagunekin egun zoragarria igarotzeko plan bikaina dugu euskaldunon topaketan. 

LAGUN IEZAGUZU ENKARTERRI EUSKALDUNTZEN. 

ANIMATU ETA HURBIL ZAITEZ!

Bazkarirako txartelak salgai: 12 €
Skamatan (Balmaseda), Zure-etxen eta Darbukan (Zalla) eta Navarron (Sodupe).

Sukaldaritza tailerra. Kronika

       Aurreko ostiralean, azaroak 27, familian plater zoragarriak prestatzen ikasteko aukera paregabea izan genuen Balmasedan.  Pintxo gozoak egin eta dastatu ondoren, oso postre dibertigarriak prestatu genituen fruta, txokolatea eta beste elikagai batzuekin aurpegiak, animaliak edo paisaiak osatuz. Oso ondo pasatzeaz gain askari polita eta ezberdina egiteko ere parada izan genuen. Hurrengoan, zu ere parte hartzaile!!!

ESKERRIK ASKO BEGORI ETA 

HARA HURBILDU ZINETEN GUZTIOI!

Abenduko agenda!

Mendi irteera. Kronika

 

 

       Pasa den larunbatean berbalagunok Kolitza mendira igo ginen. Goiz goizean, laino artean, Balmasedatik abiatu ginen gogoz, goiz ederra igarotzeko prest. Igoera apur bat gogorra izan arren, tontorreraino ailegatzea lortu genuen. Han paisaia zoragarriaz disfrutatzeaz gain itzelezko hamaiketakoa hartu genuen eta indarrak berreskuratu genituen jaitsierari ekiteko. Oso egun polita igaro genuen mendian eta euskaraz. 

ESKERRIK ASKO GUREKIN ETORRI ZINETEN

GUZTIOI ETA HURRENGORA ARTE! 

 

Irakurle kluba

       Hil honen 24an, asteartea, Zallako irakurle kluba berriro elkartuko da Xabier Etxaniz idazlearen "Sirena-hotsak" liburuari buruz hitz egiteko. Liburua eskuratzeko Zallako liburutegira baino ez duzu jo behar eta hor maileguan har dezakezu. Zallako udal liburutegian, 18:30ean.

LIBURUA ESKURATU ETA 

IRAKURZALETASUNAZ GOZATU!

Sukaldaritza tailerra. Plater dibertigarriak

       Azaroaren 27an, ostirala, gurasoek eta umeek elkarrekin tarte zoragarria igarotzeko aukera izango dute plater dibertigarriak prestatzen. Anana, banana, ogia, hegaluzea eta beste askoz osagarri gehiago konbinatuz izugarrizko plater politak prestatuko ditugu. Gainera, platerak prestatzeaz gain dastatzeko ere aukera izango dugu. Arratsaldeko 5:00etan, Gazte txokoan.

Izena emateko: enkarterri@aek.org edo 671 070 044 (24ra arte)

IZENA EMAN AHALIK ETA LASTERREN

PLAZAK MUGATUAK DIRA ETA!

 

Mendi irteera

       Hil honen 14an, larunbatean, berbalagunok mendira joango gara. Goiz-goizean Balmasedako Foru plazatik abiatuko gara Kolitza mendirantz. Paisaia ederrak, konpainia ezin hobea eta euskara lagun izango dugu ibilbide osoan zehar. Beraz, agenda hartu eta 14a gorriz markatu mendiarekin eta euskararekin hitzordua daukagu eta.

ANIMATU ETA ETORRI GUREKIN GOIZA PASATZERA!!!

Azaroko agenda!

Baga, biga, higa

       Hil honen 30ean, ostirala, gaueko 21:00etan Baga, biga, higa hitzaldi-kontzertua ikusteko abagune paregabea izango dugu Balmasedan. Bertan, Mikel Markez eta Eñaut Elorrieta musikariak hizlari eta kantari izango ditugu azken hamarkadatan euskal musikak egindako ibilbidea kontatzeko. Gainera, berbalaguna bazara txartelak dohainik eskuratzeko aukera izango duzu.

Ez galdu parada eta 30ean hurbil zaitez  Klaret antzokira.

Berbalagun aurkezpena. Kronika

 

       Pasa den ostiralean, urriak 16, Berbalagun aurkezpena egin genuen Balmasedan. Bertan, Leirek, Zallako bertso eskolako bertsolaria, ongi etorria eman ostean, Karmelek eta Arkaitzek, Enkarterriko berbalagunak, azken urteotan egitasmoan egindako ibilbidearen berri eman ziguten euren esperientziak eta bizipenak kontatzen. Hitzordua aprobetzatuz, taldeko selfieak egin genituen, eta giro ezin hobean luntxa dastatu genuen saioari amaiera gozoa emateko. 

ESKERRIK ASKO HARA HURBILDU ZINETEN  GUZTIOI!

Berbalagun aurkezpena

       Urriaren 16an, ostirala, ikasturte honetan Berbalagun egitasmoari hasiera ona emateko Berbalagun aurkezpena antolatu dugu Balmasedan.  Bertan Zallako bertso eskolakoek ongi etorria eman ostean Enkarterriko zein kanpoko berbalagunon esperientziak eta bizipenak entzuteko aukera izango dugu. Amaitzeko, taldeko selfiea egingo dugu eta luntx gozoa dastatuko dugu. Arratsaldeko 18:00etan, Balmasedako kultur etxean.

ANIMATU ETA HURBIL ZAITEZ!