Kopla idatzi sariketa

Parte hartzaileak: AEKko euskaltegietako taldeak zein praktika egitasmoetako taldeak.

Egin beharrekoa: 6 koplaz osatutako bertsoaldi bat idatzi. Doinua: ama begira zazu, ikusi nuenean)

Gaia: Euskalakari baten eguna

Azken eguna: apirilak 1

Bidaltzeko helbidea: prentsa@aek.org

Epailea: Bertsozale Elkartea

Saria: irabazten duen taldeak afari edo bazkari bat sagardotegi batean, bi bertsolarirekin.

Sariduna Korrikaren amaieran jakinaraziko da.


OHARRA: Bertsoaldia idaztea eta bidaltzearekin aski da baina bertsolaritzan doinua ere ezinbesteko osagaia denez, koplak abestera animatu nahi zaituztegu; beraz, telefono batekin edo kamera arrunt batekin zuek kantatutako bertsoaldia grabatu eta bidal dezakezue; bideoz iristen diren bertsoaldiek puntu gehigarri bat izanen dute.

Enkarterri ere Far West da!

Enkarterritik autobusa aterako da eta bertan 200 berbalagunetik gora elkartuko gara, eta zeu?

Inauteriak Enkarterrin!

Enkarterrin asko dira inauteriak ospatzeko antolatu diren ekitaldiak. Hona hemen horietako batzuk:

Balmaseda
Martxoak 4, ostirala
18:00 - 19:30 Aurpegi margokuntza tailerra, mozorroturik doazen 13 eta 17 urte bitarteko gazteentzat (Gaztetxokoan)
Martxoak 5, larunbata
19:00 Inauterietako Mozorroen XVIII. Lehiaketa nagusia
20:00 Berbena "Hollywood" taldearekin
Martxoak 6, igandea
12:30 Euskal Herriko Inauteriak, Eguzki Dantza Taldearen eskutik
Martxoak 7, astelehena
21:00 Herriko Umoristen XVIII. Erakustaldia "Maritxu Zorrilla Memoriala"
Martxoak 8, asteartea
10:00 Hiriko dendari eta tabernarien mozorroak
12:15 Bermouth dantzaldia Fanfarria turutarraren eskutik
13:00 Ogi-tosta lehiaketaren XV. edizioa
18:00 Berbena "Alto Standing" orkestraren eskutik
19:00 Inauterietako kalejira
19:45 Berbenaren jarraipena (Sari banaketa: XVIII. mozorro- lehiaketa, XV. ogi-tosta lehiaketa, garaikurra ondoen apaindutako denda-tabernari).

Galdames
Martxoak 8, asteartea 17:00 Makilaje tailerra
18:00 Panpin berbena
19:30 Txokolatada. Kultur Aretoan.

Gordexola
Martxoak 4, ostirala
18:00 Mozorro festa, Kultur-Etxean
Martxoak 5, larunbata
18:00 Inauteri mitologikoa


Gueñes
Martxoak 5, larunbata
17:00 Txotxongilo, mozorro eta abarreko Tailerrak
19:00 "SAMBHU TEATRO" taldearen eskutik JAI INAUTERIA
20:30 Txokolatada

Sodupe
Martxoak 4, ostirala
16:30 "HAKKER" taldearen eskutik musikaldiaren hasiera
18:00 Jakin eta jolas "DANTZAZ BLAI" jaialdia
19:00 Konpartsa jaitsiera
20:00 Mozorro lehiaketa

Sopuerta
Martxoak 7, astelehena
18:30 Mozorro festa. Eusko-Diskoteka, Auzoetxean
Martxoak 12, larunbata
18:30 Euskal Inauteriak. Mercadilloko Pilotalekuan

Zalla
Martxoak 4, ostirala
20:00 El Baular auzotik Inauteriko kalejira handia
20:45 Inauteriak hasteko pregoia
21:00 Gaujaia "LAUKI TALDEA"ren eskutik
Martxoak 5, larunbata
13:00 Zallako "IBAI LORAK" Dantza taldearen Erakustaldia
15:00 Konpartsen bazkaria
16:30 Umeentzak "DISKOFESTA," kiroldegian.
17:30 "DUO IZANA", kiroldegian
20:00 Musika jai esparruan "JOSELU ANAIAK"
23:00 "DJ ILIA"
Martxoak 6, igandea
11:00 Inauteriko tailerrak
12:00 Gaztelu puzgarriak
19:00 Inauteriak bukatzeko martxa eta amaurrainaren erreketa
20:00 Dantzaldia Zallako "AITA ZORTZIKO" fanfarriaen eskutik
20:00 Txokolatada

Berbatxotx 2011 !!!!!!!!!!!

NOIZ: Martxoaren 19an, larunbata. Egunpasa.

NORA: Etxeberria sagardotegira, Astigarraga

NOLA: Autobusez. Geralekuak ohiko tokietan --> Balmaseda, Zalla, Aranguren, Gueñes...

ZENBAT: 30 euro. Menua: txorizo pintxoak, tortila, bakailoa, txuletoia, gazta & irasagarra, kafea.

SORPRESAren bat edo beste konfirmatzeke !!!

IZENA EMATEKO EPEA: Martxoak 14. PLAZA MUGATUAK !!!!

IZENA EMAN: enkarterri@aek.org 946 670 312

Antolatzailea: Enkarterriko Berbalagun
Laguntzaileak: Balmaseda eta Enkarterriko Mankomunitateko Euskara Zerbitzuak.

17. Korrikaren aurkezpena!

Korrika gero eta hurbilago dago eta ostiral honetan, otsailak 18, Korrikaren aurkezpena izango da Zallako Kultur Etxean, 19:00etan. Aurkezpenean aurtengo edizioaren n0ndik-norakoak, leloa, omendua, euskalaklipa eta gehiago..... Ezin duzu galdu!

Korrika, AEK-k antolatuta, Euskal Herri osoan zehar egiten duen euskararen aldeko lasterketa erraldoia da. Gure hizkuntzaren aldeko kontzientzia suspertzea eta gau-eskola zein euskaltegien eguneroko lana indartzeko dirua biltzea ditu helburu.

2011ko apirilaren 7an hasita, 11 egunez eta gelditu gabe, Euskal Herria zeharkatuko du, Trebiñutik Donostiara, 17. Korrikak.

Museora goaz !!!

Dakizuenez, larunbat honetan euskal museora joango gara. Balmasedatik 9.50ean ateratzen den trena hartuko dugu, Zallatik 10etan pasatzen da eta Sodupetik 10.15ean. Horrela, 10.40ean Bilbora helduko gara eta hamaiketan museora sartuko gara bisita gidatua hasteko. Ondoren, berba-pintxo-poteoa alde zaharretik !!!

Otsaileko agenda!

Hemen dago , bero-bero otsaileko agenda! Ondo pasa euskaraz!

badator, badator... berbalagun guztiok elkartzeko plana!!!

Gabonetako afariaz geroztik ez dugu berriro ekitaldi bateraturik egin, beraz, hona hemen gure proposamena !!! Otsailaren 19an Enkarterriko mugak igaroko ditugu hirira hurbiltzeko, Bilboko alde zaharrera zehazki. Ideia da goizeko 11etan euskal museora joatea eta bertan bisita gidatua egitea. Museotik irtetzean alde zaharreko tabernak bisitatzea da kontua, tabakoaren lege berriak eragina izan ote duen eta horrelakoak ikustera...

Museorako sarreraren prezioa 3 euroko da eta izena emateko epea otsailaren 9an bukatuko da. Garrantzitsua da izena ematea, bisita gidatua denez jende kopurua jakin behar da taldeka sartu behar garen jakiteko.

Enkarterriko irakurle klubaren proposamena!

Hauxe da otsailean irakurtzeko Enkarterriko Irakurle Klubak proposatzen digun liburua:

Miren Agur Meaberen "Zazpi orduak".

Hartu liburua eta hasi irakurtzen!

Taldea martxoaren 8an arratsaldeko 19:30ean elkartuko da liburuaz mintzatzeko eta iritziak konpartitzeko. Non? Betiko lekuan: Zallako Arlekin tabernan.

Irakurle kluba talde irekia da. Parte hartzeko baldintza bakarra da proposatutako liburua irakurri izana.

Irakurtzea gustuko baduzu, anima zaitez eta etorri Enkarterriko irakurleen topaketara!

Gordexola Harana Ipuin Lehiaketan parte hartu!

Lucio Beraza Kultur Etxeak martxan jarri du Gordexola Harana Ipuin Lehiaketako XXIII. edizioa.

Idaztea gustuko baduzu, gogoratu lanak urtarrilaren 28ra arte aurkeztu ahal izango direla Gordexola Udaletxean bertan.

Gaia: Librea izango da.

Oinarriak: Lehiaketak hiru partaidetasun eremu izango ditu: Euskal Herria, Enkarterri eta Gordexola. Gainera, 8 kategoria ditu, beraz, adin guztietako pertsonek parte hartu ahal izango dute.
Sariak: 3.500 eurotik gora banatuko dira saritan; haur kategorietako irabazleak, berriz, eskola materiala jasoko du.

Informazio gehiago: Gordexolako Kultur Etxean astelehenetik ostiralera, 17:00etatik 21:00etara. Tel: 946798061. kegordexola@gordexola.net.

Ikusi kartela!!

...idaztea gustuko duzuenontzat...

Berriobeitiko Udalak Narrazio Erotikoen 2011ko Literatur Lehiaketa antolatu du. Edozeinek har dezake parte eta lanak euskaraz zein gazteleraz aurkez daitezke. Idatziek gehienez 15.000 karaktere izan ditzakete (hutsuneak barne). Saria 1.500 eurokoa da eta parte hartzeko epea martxoaren 31ean bukatzen da.

Informazioa zabaltzeko:

Tlf. 948 38 32 54

E-posta: cultura@berrioplano.es

Berriro martxan !!!

BERBAlehiaketaren irabazleak!

BERBAlehiaketan parte hartzeagatik Kenzazpik, Zallan, abenduaren 30ean, emango duen kontzertura joateko bina sarreraren irabazleak, hauexek dira:

- Janire Garrastatxu Aretxabala.

- Roberto Blanco Amigo.

Zorionak eta eskerrik asko parte hartu duzuen guztioi!

Kontzertua Zine-Antzokian arratsaldeko 20:00etan izango eta irabazleek sarrerak lehiatilan jaso ahal izango dituzte.

Sarrerak Enkarterriko Mankomunitateko Euskara Zerbitzuak oparitu ditu.

BERBAlehiaketan parte hartu !!!

Hilaren 30ean KEN7-k Zallan eskainiko duen kontzerturako sarrerak ditugu !!!

Egin behar duzun gauza bakarra: galdesorta deskargatu eta erantzunak hona bidali.

Saria: ondo erantzundako galdetegi guztien artean zozketa egingo dugu. Bi lagun aterako dira irabazle eta bi sarrera eskuratuko ditu bakoitzak.

Epea: abenduaren 10ean bukatuko da.

Sarrerak Enkarterriko Mankomunitateko Euskara Zerbitzuak eskaintzen ditu.

Ipuin kontalariak euskararen eguna ospatzeko !!!

Bihar, dakizuenez, euskararen eguna da eta Enkarterriko berbalagunok gure eskualdean egingo diren ekitaldietan parte hartuko dugu. Balmasedako Kultur etxean Txirulari, kontalari deitutako ipuina entzun ahal izango dugu 19.00etan. Sopuertako auzoetxean Josemi Karrere egongo da Maitasunaren arbola obrarekin 19.30ean eta gero euskal luncha egongo da !!! Ez galdu aukera !!!

Abenduko agenda!!

Berbalagun izatearen abantailak!

Lagun berriak, aisialdia euskaraz, festak, ikastaroak, irakurle kluba …

Berbalagun izateak abantaila asko dituelakoan zaude?

Gehiago nahi duzu? Irakurri…..

• BERRIAko asteburuetako harpidetzan deskontua, informazio gehiago eta izena emateko hemen
• AIZU! aldizkariaren harpidetzan deskontua, informazio gehiago eta izena emateko hemen
• UEU ikastaroetan deskontuak, informazio gehiago hemen
• EHUko aukera askeko kredituak, informazioa eta izena emateko hemen klikatu.

Ez galdu aukera!

Bertso-afaria Gordexolan

Azaroaren 26an (ostirala) 22:00etan Gordexolako Jubilatuen Egoitzako Tabernan, Hodoibaltza Euskara Elkarteak antolatutako Bertso-afarian Ion Berrocal (Trapagaran), Nuria Cortada (Muskiz), Aitor Arrutia (Artzentales) eta Idoia Anzorandia (Barakaldo) bertsolariak egongo dira.

Izen ematea: Gordexolako Kultur Etxean, azaroaren 22ra arte.

Telefonoz (94 679 80 61) edo posta elektronikoz (hodoibaltza@gmail.com) ere eman dezakezu izena, baina horretarako dirua elkartearen kontuan sartu behar duzu zehaztutako epean.

Prezioa: 24 €.

Antolatzailea: Hodoibaltza Euskara Elkartea.

Laguntzailea: Gordexolako Udala.

Irakurle klubean irakurriko dugun hurrengo liburua...

Fernando Morilloren "Bilbo Samurai" irakurtzen ari gara irakurle klubean...

Hilaren 30ean elkartuko gara eta kafe edo kaña bat hartzen dugun bitartean... liburuaren pasarterik dibertigarrienak eta deigarrienak komentatuko ditugu...

Apuntatu hitzordua :

Azaroak 30, asteartea
19.30ean ARLEKIN tabernan

bertan ikusiko gara !!!

Bihar, azaroak 12 Berba festa!

Aupa lagunak!

Batzuk taldeetan hasi zaretela ospatzeko eta berbalagun berriek merezi duten harrera egiteko bihar arratsaldeko 19:30ean Zallako Darbuka tabernan berba-festa ospatuko dugu.

Ezin duzu galdu! Bertan Enkarterriko berbalagunok elkartuko gara eta sorpresak, lunch-a, poteoa....izango dugu!

Ez ahaztu, bihar, azaroak 12, Darbuka tabernan! Gonbidatuta zaude!

Azaroko agenda prest !!!

hilabete honetako agendan nabarmendu nahi dugu...

ostiralean ospatuko dugun berbalagun festa !!! Lunch-a, berba-bideoaren aurkezpena...

Berbataldeen ordutegiak

Berbalagun talde batean parte hartu nahi duzu?

Orain ez daukazu aitzakiarik, astean zehar eskaintza zabala daukagu-eta!. Proposatzen dizkizugun egunen artetik aukera ezazu ondoen datorkizuna edo beste bat proposatu eta taldea osatzen dugunean martxan jarriko dugu.

Izena eman.

BALMASEDA

Astelehenero, 17:00etan Emakumearen Etxean

Astelehenero, 19:00etan La Cabaña tabernan

Asteazkenero, 19:30ean Eguzki tabernan

Ostiralero 19:30ean Carambola tabernan

Asteazkenero goizez (oraindik osatu gabe). Izena eman.

ZALLA

Irakurle Kluba: Hilabetean behin, asteartean 19:30ean, Arlekin tabernan.

Ostegunero, 18:00etan Oreka tabernan.

SODUPE

Ostiralero, 19:30ean, Navarro tabernan

SOPUERTA

Igandero, arratsaldeko 19:30ean Inhar tabernan

Enkarterriko Berbalagun Enkarterri Irratian!

Entzun Enkarterri Irratian Berbalaguneko dinamizatzaialeari, Oihane Orrantiari, egindako elkarrizketa!.

Mintza igeriketa!

Uretan sartzen zarenean arrainak bezala sentitzen zara? Plisti-plasta ibiltzea gustuko duzu?

Orain daukazu aukera paregabea igeriketa eta euskara praktikatzeko! Galduko duzu?

Non: Balmasedako igerilekuan

Noiz: Azaroaren lehenengo astetik Aste Santura arte (astean behin)

Nork har dezake parte:Igeriketa maila ertaina eta euskarazko edozein maila duenak.

Prezioa: 20€ ikastaro osoa.

Informazio gehiago:

Balmasedako igerilekuak: 946800549 - igerilekuak@gmail.com

Balmasedako euskara zerbitzua: 946800000 - euskera@balmaseda.net

Antolatzaileak: Ikastola Zubizaharra, Balmasedako Euskara Zerbitzua, Balmasedako Udala.

atera arbela kaleraaaaa!!!

Gero eta berbalagun gehiago! Ikusi duzu bideoa?

Urriko agenda !!!

Berriro elkarrekin!

Aupa lagunak!

Uda amaitzen da, bai... baina udazkena badator eta udazkenarekin batera: BERBALAGUNAK mila ekintza elkarrekin egiteko prest!

Iaz gurekin egon zinen? Ederto! aurten ere gurekin jarraitzea espero dugu. Hori dela eta laster jarriko gara zurekin harremanetan taldeak antolatzeko.

Berria zara?, oraindik ez duzu izena eman?. Orain badaukazu izena emateko aukera, ziur gaude zuretzat talde egokiren bat egongo dela!.

Ez duzu BERBALAGUN egitasmoa ezagutzen?. Azalduko dizugu:

Zer da BERBALAGUN?

Astean behin lagunekin elkartu eta gustuko ekintzak eginez euskeraz berba egitea, horixe da gure helburua.

Lagun taldeak astean behin elkartzen dira, zaletasun, adin eta denbora librearen arabera eta talde bakoitzak erabakitzen du zer egin, noiz eta non.

Norentzat da?

Bere euskera hobetu gura duenarentzat. Edozeinek parte hartu ahal du, euskara ikasle izan edo ez, hitz egiteko gogoa baino ez da behar. Eta den-dena DOAN!

Euskaldunontzat ere bada, trebatu gura duenarekin astean behin batuz laguntza ederra ematen delako.

Non eman dezakezu izena?

Gure helbide elektronikoan: enkarterri@aek.org

Enkarterriko AEK Euskaltegian: 946 800 000-607 594 120

Enkarterriko Udal Euskaltegian: 946 670 902

Balmasedako Euskara Zerbitzuan: 946 800 000

Gordexolako Euskara Zerbitzuan: 946 798 002

Mankomunitateko Euskara Zerbitzuan: 946 671 851

Anima zaitez eta atera arbela kalera! Izan berbalagun!

Barnetegi Ibiltariak !!!

Udako ikastaro trinkoak egin beharrean, klasean bost ordu eman beharrean... hona hemen euskara eta aisialdia uztartzeko aukera paregabea !!!

Bi aukera daude:

- Barnetegi ibiltaria OINEZ (lehenengo aldia). Uztailaren 3tik 18ra Euskal Herria mendirik mendi zeharkatuko dugu mutur batetik bestera.

- Barnetegi ibiltaria BIZIKLETAZ. 10. edizioa izango da eta zeguraski uztailaren 7tik 13ra Euskal Herriko hainbat txokotan ibiltariko txirrindulariak topatuko dituzue.

Izena emateko:

Postaz: ibiltaria@aek.org

Telefonoz:

Barnetegia oinez: 663 030 568 (azken eguna: ekainaren 24a)

Barnetegia bizikletaz: 630 148 159 (azken eguna: uztailaren 8a)

Berbakafearen II. edizio arrakastatsua !!!

Hilaren 5ean Berbakafearen II. edizioa ospatu genuen Enkarterriko berbalagunok Balmasedan. Parte hartzea ona izan zen eta eztabaidetan ateratako ondorioak ere interesgarriak izan ziren !!!



Argazkiak ikusteko, hemen.

Euskal Ezkontza Balmasedan!

Ezin galdu ekainaren 19an Eguzki Dantza Taldeak antolatua Balmasedan ospatuko den Euskal Ezkontza. Bertan antzinako ezkontzen errepresentazioa egingo da eta herriko jendeak hartuko du parte soineko tradizionalak jantzita.

Senargaia eta bere familia emaztegaiaren bila joan ondoren herrian zehar paseatuko dira etxea eraikitzeko gauzak dituen idi-gurdia daramatela; altzariak, opariak, ezkontza-horniak... Ezkontza ospatu ondoren trikipoteoa eta oturuntz herrikoia guztiontzat eta eguna amaitzeko Euskal Erromeria !!

Gonbidatuta zaude, anima zaitez!

Hauxe egitaraua:

11:00 Irteera San Severino Enparantzatik. Senargaiaren familia.

12:00 Hamaiketakoa San Juan Plazan. Emaztegairekin topaketa.
13:00 Euskal Ezkontza San Severino Enparantzan.
13:45 Trikipoteoa herriko kaleetatik.
15:00 Kanta bazkaria. Bonoak: 6€ (haurrak 3€). (Eguzki eta Carambola tabernetan)
19:00 Euskal Erromeria San Juan Plazan.

Ekaineko agenda!!

Enkarterriko bertso finala !!!

Enkarterriko Bertso Eskola martxan jarri zenetik emaitza emankorrak eman ditu, herriko plazak eta tabernak ikustea besterik ez dago !!!

Bertsozaletasuna izugarri hazi da gure eskualdean azken urteotan, iragan ostiralean Zallako Zine Antzokian bildu zen jendetza horren adibide bat besterik ez da !!!

Horregatik, bertsozaleentzako hurrengo hitzordua ekainaren 5ean izango da. Zierbanako frontoian Enkarterriko bertsolari txapelketa ospatuko da, 18:00etan.

Berbakafearen II. edizioa !!!!

Iazko arrakasta ikusita, aurten ere berbakafea ospatuko dugu !!! Ekainaren 5ean Balmasedako San Juan plazan elkartuko gara gaurkotasunezko gaien inguruan iritziak trukatzeko... badakizue esaera zaharrak dioena: "zenbat buru hainbat aburu"

Izena emateko epea maiatzaren 31n bukatzen da, beraz, erreserbatu zure eserlekua ahalik eta lasterren !!!

... maiatzaren 30ean Ibilaldia Bermeon !!!

Urtero bezala Bizkaiko Ikastolen jaia ospatuko da hilabete honetan, "Marigoran kikunbera" lelopean. Aurten Bermeon izango da maiatzaren 30ean eta gure eskualdetik autobusak antolatu dira egunpasa joateko.

Zalla
Irteera: 9.00
Itzulera: 19.30
Prezioa: 5 €

Balmaseda
Irteera: 9:00
Itzulera: 20:00
Prezioa: Balmasedakoentzat 4€
Kanpokoentzat 5€
Izena emateko epea: maiatzak 26

Gordexola
Irteera: 10:00
Itzulera: 20:00
Prezioa: 5€
Izena emateko epea: maiatzak 21


Artzentalesetik ere autobusa aterako da, informazio gehiago dugunean helaraziko dizuegu !!!

...badator gure eguna !!!

Urteen poderioz egutegia modernizatuz joan da eta egun, Ignazio Deuna, Santiago Deuna eta Juan Deuna ospatzeaz gain, Harrotasunaren Eguna, Maiteminduen Eguna, Euskararen Eguna ospatzen dugu... eta duela urte batzuk gure egutegian Berbalagunon eguna edo Mintza Eguna ere gehitu genuen !!!

Aurten Arrasaten bilduko gara ekainaren 6an Berbalagun bezalako mintzapraktika egitasmoetan parte hartzen dugunok.

Egitaraua:

11:00etan Ongi etorri berbalagun guztioi eta hamaiketakoa denontzat plazan.
12:00etan Ibilaldi gidatua Arrasatetik
13:30etan Kalejira ( berbalagun guztiok dantzan herria zeharkatuko duen kalejiran)
14:30etan Bazkaria herriko plaza nagusian (20 eurotan)
15:30etan Sari banaketa berezia
16:00etan Erromeria KATAIA taldearekin

Joan nahi baduzue jarri gurekin kontaktuan !!!

Euskal dantza ikastaroa !!!

Maiatzaren 17an hasi eta ekainaren 10ean bukatuko da Zallako Ibai Lorak Dantza Taldeak antolatutako ikastaroa.

Astelehen, asteazken eta ostegunetan bilduko dira kiroldegiko graden azpian, 19.45etatik 20.45etara.

Matrikula 20 eurokoa besterik ez da eta izena emateko telefonoak hurrengoak dira:

Miren: 665 72 16 86 Izaskun: 652 75 57 50

Bertsotan blai!

Urtero legez aurten ere punta puntako bertsolariak Zallako Zine Antzokian datorren astean, maiatzak 21, 20:00etan, ospatuko den bertso jaialdian.

Aurten gurekin izango dira Amets Arzallus, Unai Iturriaga, Sebastian Lizaso, Anjel Mari Peñagarikano eta Zallako Bertso Eskolako Imanol Arrutia.

Berbalagunentzat gonbidapenak ditugu, beraz berbalaguna eta bertsozalea bazara gonbidatzen zaitugu!.

Gonbidapenak lortzeko epea maiatzaren 13an amaitzen da, beraz bidalguzu mezua (enkarterri@aek.org) edo hartu eskukoa eta bidali zure izena honako zenbakira: 607594120.

Anima zaitez!

Ekitaldiz beteriko hilabetea !!!

Krisia atzean uzten ari garela dirudi... badator, azkenean, aukeraz beteriko agenda !!!

Pozalaguako kobazuloak eta euskara

Santurtziko berbalagunei gure eskualdean gertatutakoaren berri eman nahi dizuegu. Informazioa zabaltzeko hemen sakatu.

Berbalagun barbakoa !!!

Zer: berbalagun barbakoa !!!

Noiz: Maiatzak 9, igandea, egun osoan zehar (Ordu zehatza konfirmatzeke)

Tokia: erabakitzeke, eguraldiaren arabera... (Aurrerago konfirmatuko dugu)

Menua: momentuz begetarianoentzako gauza gehiegirik ez, haragia eta haragia !!! ñam, ñam...

Izena emateko: 15 euro sartu, zuen izen abizenekin batera Euskadiko Kutxako kontu honetara: 3035 0090 60 0900023815 (nabari da berbalagunon artean bankaria dugula...).

Euskal musika tresnen erakusketa !!!

Apirilaren 23an Euskal Herriko musika tresnekin izango dugu hitzordua Balmasedan.

Arratsaldeko 5etan San Juan plazara hurbilduko gara. Alboka, txistua, danbolina, txirula, txalaparta, trikitixa, pandero, atabala, eta dultzaina ezagutzeko aukera emango digu doako saioak.

Soinutresna bakoitzaren inguruko hizketaldiez gain zuzeneko musikaz gozatzeko parada ere izango dugu !!!

Ez galdu aukera !!!

Zatoz Galdamesko bide berdea ezagutzera !!!

Hartu agenda eta apunta ezazu datorren larunbatean, apirilaren 24an, giharrak astintzeko txangoa dugula !!!

Goizean goiz Galdameserako errepidea hartuko dugu eta bertako bide berdea ezagutzera joango gara. Bi taldetan banatuko gara, oinez egin nahi dutenak batetik eta bizikletaz egin nahi dutenak bestetik. 12etan bokata jateko elkartuko gara eta bukatu ostean etxera bueltatuko gara bazkaltzera.

Anima zaitezte !!! Negua atzean utzi dugu dagoeneko eta naturaz gozatzeko denboraldia hasi da !!! Interesa baduzue esaguzue ahalik eta lasterren, Galdamesera auto pribatuetan joango gara eta... antolatzen hasi behar dugu !!!

Kontserbak eta marmeladak egiteko ikastaroa!

Kontserbak eta marmeladak egiten ikasi nahi duzu? Hemen daukazu aukera paregabea!.

Enkarterriko Mankomunitateko Euskara Zerbitzuak , Zallan antolatu duen "Kontserbak eta marmeladak" ikastaroa dohainik da eta bertan ikasiko dituzu zure etxean praktikan jartzeko teknikak.

Ikastaroa Zallan izango da, apirilaren 27 eta 29an eta maiatzaren 4,6,11, eta 13an, arratsaldeko 17:30etik 20:30era.

Plazak mugatuak dira eta izena emateko epea apirilaren 21ean amaitzen da, beraz, adi egon!. Izena emateko telefono honetara deitu: 94 667 18 51 (Enkarterriko Mankomunitateko Euskara Zerbitzua).

...... uuummmm zer gozoa!

Martxoaren 27an TxOOOtx !!!!!!

Enkarterriko Berbalagun eta AEK-k TxOOOtx egingo dugu martxoaren 27an.

Gipuzkoarren lurraldean egun osoa emango dugu sagardoa "dastatzen" eta gure arteko harremanak sendotzen.

Izena emateko azken eguna 17a izango da, beraz, ez lokartu eta deitu lehenbailen !!!

AIZU ! aldizkaria merkeagoa berbalagunentzat

Berbalagunek urteko harpidetza merkeagoa lortu ahal izango dute. Aizu ! aldizkariak 10 ale kaleratzen ditu urtean eta euskara errezean idatzitako testuak biltzen ditu.

Euskara ikasten ari direnentzat edota euskaraz irakurtzera ohituta ez daudenentzat aldizkari egokia da.

Berbalaguna bazara eta aukera hau aprobetxatu nahi baduzu, bete ezazu formularioa eta harremanetan jarriko gara!