Enkarterriko euskaldunon topaketa. Kronika.

       Aurreko igandean, abenduak 14, Enkarterriko euskaldunon topaketa egin genuen Gordexola. Euria lagun, egun zoragarria pasatu genuen han bildu ginen euskaldun guztiok. Goizetik mota guztietako ekitaldiak egon ziren egun osoan zehar: familientzako tailerrak, kantujira, bazkaria, Korrika arropa desfilea..., eta eguna amaitzeko sari potoloak banatu genituen Berbabingoaren irabazleen artean.

Eskerrik asko Maiteri, Nafarroa kanta taldeari, Hodoibaltza euskara elkarteari eta hara hurbildu zineten guztioi!!!

Enkarterriko euskaldunon topaketa.

      Abenduaren 14an, igandea, Enkarterriko euskaldunon topaketa egingo dugu Gordexolan. Egun osoan zehar lagun guztientzako ekitaldiak egongo dira: familientzako herri kirolak, kantujira, herri bazkaria,..... baina dena ez dugu azalduko; jokuak, sariak, sorpresak eta beste momentu paregabeak ere egongo baitira. Enkarterrin euskaraz bizitzea posible delako ez geratu etxean eta etorri zure familia eta lagunekin!

Bazkarirako txartelak salgai: 15 €
Skamatan (Balmaseda), Zure etxen (Zalla), Navarron (Sodupe) eta Gordexolako Kultur etxean.

Abenduko agenda!

Enkarterriko azken euskaldunzaharraren hitzak

«…ba, emeti, Karrantzati gora, ta berantza, berantza, berantza… Se au dana ise san euskaldune. Ba, Gordejuelako etxaldea' danak, ba, dires: Iñarritu, Arzuria, Aretxederra… guria da Isuskiza… Lekubarri… Danak euskaldunek. Baserrik danak euskaldunek. O sea, Gordejuelan aurreko denporetan danak euskaldunek. Ta gero asi sen galduten da galduten… Galdu san bai. Galdu senean asi sian emen minak eta, bearren eta… Altos Hornos eta. Jendea etorri san kanpoti. Danak erdera ta… ala… Ya lastimea da galdu deitela euskerea, ain polite…»

 Engrasi Etxebarria, 1997

Familian Euskaraz jolasean. Kronika.

       Pasa den larunbatean, azaroak 8, "Familia Euskaraz jolasean" tailerra egin genuen Sodupeko Kultur etxean. Bertan hogeita hiru gurasok eta umek antzinako jolasez eta abestiez disfrutatzeko aukera izan zuten. Oso tarte polita igaro genuen jolasean eta kantutan.

Eskerrik asko Soniari eta bertara hurbildu zineten guztioi!

Azaroko agenda!

Familian Euskaraz jolasean

       Zure haurrekin euskaraz jolastu eta abestu nahi eta ezin? Euskal jolasak eta kantak ikasi nahi? Ba, azaroaren 8an, larunbata, zure seme-albekin antzinako jolasak eta kantak ikasteko aukera izango duzu Sodupen antolatuko dugun "Familian Euskaraz jolasean" tailerrean. Ez galdu aukera eta etor zaitez umeekin ondo pasatzera. Kultur Etxean 11:00etan.

Izena emateko: enkarterri@aek.org edo deitu 671 070 044ra (Azaroaren 5era arte)

Berbalagunon topaketa

     Urriaren 30ean, osteguna, ikasturte hasiera ona emateko Berbalagunon topaketa antolatuko dugu Zallan. Bertan Enkarterriko bertsolariek ongietorria eman ostean Barry Manley irlandarrak "Irish in Euskal Herria" bakarrizketa eskainiko digu. Ez ahaztu, hil honen 30ean plan ezin hobea daukazu berbalagunon topaketan. Arratsaldeko 19:00etan, Zure Etxe tabernan (lehen Ñam Ñam zena)

ANIMATU ETA #lotsarikgabe HURBIL ZAITEZ

Enkarterriko Berbalaguneko prentsaurrekoa, #lotsarikgabe

         Atzo, urriak 9, ikasturte berriari hasiera emateko Enkarterrin Berbalagun egitasmoa sustatzen dugun eragile guztiok prentsaurreko bat egin genuen. Agerpen publiko honetan kurtso berriaren erronken eta eginkizunen berri eman genuen. Prentsaurrekoan Alvaro Parrok (Balmasedako alkatea), Esther Lasak (Enkarterriko Mankomunitateko presidentea), Miren Solabarrietak (Balmasedako Euskara teknikaria), Lorea Otxoak (Enkarterriko Mankomunitateko Euskara teknikaria), Esti Irabienek (Enkarterriko AEK-ko zuzendaria), Sergio Foruriak (Enkarterriko Udal euskaltegiko zuzendaria) eta Roberto Blancok (Enkarterriko Berbalaguneko dinamizatzailea) parte hartu genuen.

Programaren berri emateaz gainera, izena emateko deialdia egin genuen.

Izena emateko: enkarterri@aek.org  - 671 070 044

Eskerrik asko hara hurbildu zineten guztioi!!!

#lotsarikgabe praktikatu gurekin!

Kaixo berbalagunok,

        Udazkenarekin batera Enkarterrin berbalagun egitasmoa berriro martxan jartzeko unea heldu da. Aurten #lotsarikgabe lemapeko kanpainarekin hasiera eman diogu ikasturte berriari. Pasa den urtean, inoiz baino leku gehiagotara ailegatu ginen; honetan Enkarterriko herri eta auzo guztietara heltzea jarri dugu helburu. Helmuga honetara iristeko lagun, elkarte zein eragile guztien ekarpenak beharrezkotzat jotzen ditugu; hori dela eta, #lotsarikgabe zuengana jotzen dugu, zuen parte hartzea erabat beharrezkoa da eta.

Oporrak!!

Elkarrekin ikasturtea eman ostean, ondo merezitako oporrak hartzeko unea heldu da... Baina, ez ahaztu euskaraz praktikatzeko edozein momentua ona dela; hondartzan, herriko jaietan, edo elkartuko garen edozein tokitan.

 

Ondo pasa eta irailean berriz elkartuko gara!
 

Afaria Balmasedan!

Aurten nahiz eta Udako Berbalaguna martxan den, egitasmoaren ohiko programazioak atseden hartzeko unea heldu da. Gero arte esateko momentua heldu da beraz. Baina oporrak hartu aurretik berbataldeetan parte hartu duzuen berbalagun guztiak biltzea proposatzen dizuegu.

Ikasturteko azken topaketa egin nahi dugu, poteoa, afaria...eta horretarako hitzordua ondokoa da: ekainak 27, ostirala Balmasedan. Zenbat lagun joango garen jakin behar dugu erreserba egiteko. Beraz, hasi agendan eguna gordetzen eta izena eman afarirako!!! Bideak betikoak dira: facebook bitartez mezu pribatua  (Enkarterriko Berbalagun), Berbalagun sakelekora deia, mezua edo whatsappa (671 07 00 44) edo e-posta idaztea (enkarterri@aek.org).

Berbalagun taldeen topaketak

Ekainaren 22an Urduñako San Juan merkatuan Berbalagunen Topaketa ospatuko da. Bertan euskaraz bizi nahi duten lagunak elikadura burujabetza eraikitzen dabilen herri batekin topatuko dira. Horretarako VSF eta Berbalagun taldeek, Urduñako eragile sozial eta udaletxearekin batera ekintzez beteriko eguna antolatu dugu.

Gosari agroekologikoa, Urduñatik eta merkatutik bisita gidatua, gertuko ekoizleen eskutik bertoko txakolin eta gazta dastaketa, taloak egiteko tailerra...

Bazkaria: Taloak, entsalada, postrea, edaria eta kafea

 

Urduñara hurbiltzen diren Berbalagun taldeek eta euskaldun orok, elikadura burujabetza helburu duten bertoko esperientziak ezagutzeko eta aldi beren jai giroan euskaraz bizitzekoa aukera izango dute.

Anima zaitezte!!!

Autobus bat antolatuko da eta egun osorako txartela 10 eurotan salduko da. Informazio gehiagorako zuen Berbalagun Taldearen koordinatzailearekin edo VSF-rekin jarri zaitezte kontaktuan.

VSF: proiektuak@vsf.org.es / 695 478 735 / 94 496 11 75

Udako berbalaguna!

Aurten, udan ere euskara praktikatzen jarraitzeko aukera zabaldu dugu. Eman izena zure herriko euskaltegian, euskara zerbitzuan edo bete fitxa hau Azken eguna, ekainaren 20a.

Ekaineko agenda!

Zallako Mintzodromoaren kronika!

Oraingoan Mintzodromoa, maiatzaren 22an, Zallako Frontoian burutu genuen. Bertan 45 pertsona inguru elkartu ginen, euskaltegietako zein hizkuntza eskolako ikasleak, berbalagunak... Zallako Bertso Eskolako gaztetxoak ere, bertso bat botatzera animatu ziren.

Otsailean Balmasedan erabilitako metodologia jarraituz, jai ereduei buruz, euskara ikasteko laguntzen inguruan eta Enkarterriko langabeziaz mintzatu ginen, kafetxoa hartzen genuen bitartean.

Beste behin ere, Enkarterriko euskaldunak elkar ezagutzeko eta elkarrekin euskara praktikatzeko aukera ezin hobea izan da!

Mintzodromoa Zallara dator!!!

Datorren astean, Maiatzak 22, Mintzodromoa izango dugu Zallan. 18:00etan frontoian hasiko da, bertan kafetxoa hartzen dugun bitartean, hiru gaien inguruan aritzeko aukera izango dugu. Dagoeneko asko izan dira ekintza honetan parte hartzeko izena eman dutenek. Euskara praktikatzeko aukera ezin hobea!

*Oraindik garaiz zabiltza izena emateko, Maiatzak 22 baino lehen.

Maiatzeko agenda!

Balmasedan euskaraz jolasean!!

Oporrak hartu aurretik, Balmasedako Emakumearen Etxean familian euskaraz jolasean  ibili ginen. Honetarako, Enkarterriko herri ezberdinetako familiak gerturatu ziren, kanten eta jolasen bitartez goiza oso azkar pasa zen.

Giro ezin hobean, Gurasolagun talde bat sortzeko lehen urratsak eman ziren. Beraz, euskalduna bazara eta familian euskarazko planak egin nahi badituzu, hemen duzu aukera paregabea. Izena emateko jar zaitez gurekin harremanetan!!

Gogoratu! Ostegunean Desentxufatuak Zallan

Apirileko agenda!

Desentxufatuak antzezlana Zallan!

Rockero zaharren modura, Patxo Telleria eta Mikel Martinez aktoreak, lan arrakastatsuenekin bilduma bat osatu dute: Desentxufatuak. Segitzen dute euskararekin umorea egiten, euskaldunberri zaharrak ez direlako inoiz hiltzen. 

Apirilaren 10ean, arratsaldeko 19:00etan, Zallako Antzokian antzezlana ikusteko aukera izango dugu, anima zaitez!

*Sarrera doan

 

Sodupen eta Balmasedan familientzako ikastaroak!

Familian euskaraz gozatzeko aukera paregabearekin gatoz... Urtxintxa Eskola eta Aek-ren eskutik, euskaraz jolasean aritzeko ordu eta erdiko bi saio izango ditugu Enkarterrin. Bat Sodupen eta bestea Balmasedan. Saio hauen helburu nagusia, familian bertan eta familien arteko euskarazko harremana indartzea bada ere, primeran pasatzeko aukera ere bada! 

Sodupen: Apirilak 11, ostirala, 17:30etan Kultur Etxean.

Balmasedan: Apirilak 12, larunbata, 11:00etan Emakumearen Etxean. 

APIRILAK 5, izena emateko azken eguna.

enkarterri@aek.org / 671 07 00 44

Balmasedako Mintzodromoaren kronika

Otsailaren 26ko goizean, Enkarterriko Berbalagunek Mintzodromoa antolatu zuen Balmasedako polikiroldegian. Hori zela eta, Euskaltegietako eta Hizkuntza Eskolako ikasleak, institutuko gazteen klase bat, Berbalagunek... batu ginen eta ia 55 lagunen artean giro ederra sortu genuen.

Bertan, aldatzen joaten ziren 6 pertsonen taldeetan, komunikatzeko era berrien inguruan, euskarari buruz eta gaur egungo elikadura ohiturez mintzatu ginen gosaritxoa hartzen genuen bitartean.

Enkarterriko euskaldunak ezagutzeko eta haiekin euskara praktikatzeko aukera paregabea izan zen. Parte hartu genuenok oso pozik eta errepikatzeko gogoekin atera ginen, beraz, maiatzean Zallan arratsaldez egingo den Mintzodromoan elkar ikusiko dugu!

Martxoko agenda!

Mintzodromoa Balmasedara dator!!

Datorren astean, Otsailak 26, Mintzodromoa izango dugu Balmasedan. 10:30etan kiroldegian hasiko da, bertan kafetxoa hartzen dugun bitartean, hiru gaien inguruan aritzeko aukera izango dugu. Dagoeneko asko izan dira ekintza honetan parte hartzeko izena eman dutenek. Euskara praktikatzeko aukera ezin hobea!

Oraindik garaiz zabiltza izena emateko, Otsailak 20 baino lehen.

Berbataldea Karrantzan!!

Gaur, arratsaldeko 19:00etan Karrantzako berbataldea elkartzen hasiko da, La Parada Tabernan (Ambasaguasen). Hau izango da herri honetan sortu den lehenengo taldea, eta Enkarterrin dugun hamaikagarren taldea. Apurka-apurka bagoaz Enkarterriko bazter guztiak euskalduntzen. 

Zeu oraindik talderik ez baduzu topatu, garaiz zabiltza! Informazio gehiagorako 671 07 00 44 telefonora deitu. 

Agate Deuna Balmasedan

Azkeneko urteetan bezala, larunbatean Nafarroa Kantu Taldeakoekin, Balmasedako kaleak jai giro paregabeaz busti genituen. Euria eta hotza ahaztu, eta herriko bazter guztietara joan ginen.

Agate Deunako ohiko kantak abesteaz gain, Balmasedan klasiko bihurtzen hasi den "Negu eskean" ere kantatu genuen, gaua sartu arte...Kar,kar!

Ospakizun honek, oso harrera ona izateaz gain, urtez urte gero eta jende gehiago batzen du. Dena dela, aurten hurbiltzea ezinezkoa izan baduzu, oraindik garaiz zaude asteartean joateko!

Otsaileko agenda!

Larunbatean badaukagu plana!!

  
Otsailaren lehena, Balmasedako kaleak euskaraz beteko ditugu Nafarroa Kantu Taldeko lagunekin.
Arratsaldeko 18:00etan San Juan plazan hasiko den kalejiran, kantatzeaz gain, euskaraz hitz egiteko aukera ere izango duzu.  Posible izanez gero, parte hartzaileei euskal jantziarekin joatea eskatzen zaie, bestela zapia eta txapelarekin... Beraz badakizu, larunbaterako planik ez badaukazu, anima zaitez!!

Enkarterriko euskaldunon II jaiaren kronika

Igandean berriro ere, eskualde honen euskaldunok euskarari zuzendutako egun oso batez disfrutatzeko aukera izan genuen. Oraingoan Artzentales izan da ospakizuna burutzeko aukeratu genuen herria.

Lehenengo ordutik, bazebilen jendea gora eta behera prestatzeko falta zenari azken ukituak ematen. Haurrentzako tailerrean, asko izan ziren parte hartu zutenak.  Baina jai giroa berandutxoago hasi zen, hamaiketakoarekin batera. Putxera usaina jada airean zegoela, jendea kantatzen eta mokadutxoarekin hasi zenenean.
Hamaiketakoarekin egunerako indarrak hartu ostean, poteoa hasi zen. Poteatzen genuen bitartean Amalurrarako bidean, paseoa eman genuen Artzentalesko paisai ederrez disfrutatzen.
Baina bageneukan bazkaria zain... entsaladako, babarrun goxo-goxoak piparrekin eta arroz esnea. Bapo bapo jarri ginen bazkariarekin...kar, kar!!
Kafea hartzen ari ginen bitartean Aitor Arrutia eta Ander Elortegiren bertsoekin eta Galder Perezen bakarrizketaz gozatzeko aukera eduki genuen.
Azkenik, etxera joan aurretik, sarreren zozketa eta berbalaguneko bideoa ikusi genuen. Eta eguna hasi zen bezalaxe bukatu genuen abesten.

Badator euskaldunon jaia!!

Artzentalesen ospatuko dugun jaialdiaren bigarrengo edizioa, prest daukagu! Familientzako tailerrak, bertsoak, musika, bazkari goxoa eta antzezlana izango dira egunaz disfrutatzeko eskaintzen dizuegun plan itzela.

Bihartik aurrera bazkariaren bonoak salgai egongo dira 10€tan. Balmasedan (Skamatan), Zallan (Itzalan), Sodupen (Navarron), Sopuertan (La kaffen) eta Artzentalesen (Kultur Etxean). Azaroak 28 bonoa erosteko azken eguna. Informazio gehiagorako 671 070 044 zenbakira deitu.

Ez dago arrazoirik abenduaren 1ean Artzentalesera ez urbiltzeko.

Aukera aprobetxatu, eta lehenbailehen zure bonoa eskuratu!!

Abenduaren 1ean Enkarterriko euskaldunon jaia!!

Iaz Sopuertan pasa genuen egun polita gogora ekarrita, aurten ere Enkarterriko euskaldunok euskararen eguna ospatuko dugu. 

Egun handia ospatzeko, Abenduaren 1a aukeratu dugu. Beraz, utzi zuen agendetan tartetxo bat euskararentzat, eta eguna erreserbatu.

Bertan haurrentzako tailerrak, musika, bazkaria, ikuskizuna...eta hainbat sorpresa izango dugu.

Berbalagun zabaltzen!!

Hilabete honetan Enkarterriko herri gehienetatik ibili gara berbalagun zer den zabaltzen. Ziurrenik zuk ere ikusi gaituzula aurkezpenak egiten, kartelak inkatzen, eskoletan esku-orriak banatzen...

Honekin batera, Sodupen ere elkartu ginen ikasturte berriari hasiera ofiziala emateko. Giro aparta lortu genuen Beñat Amezaga eta Aitor Arrutia bertsolariei esker. Eta bideoa ikusterakoan sorpresa batzuk egon ziren...kar, kar!

Azkenean aste hauetan egindako guztia fruituak ematen hasi da, asko izan baitira egitasmoari lotu direnak, zeuk ere parte hartzeko prest?

Gaur, euskara praktikatu. Bihar, euskaraz bizi!

Ikasturte berriari merezi duen harrera egiteko, hara zelako bideoa estreinatzen dugun!

Soinu eta irudi ederrak sortutako giro atsegina aprobetxatuz, berbalagun eta gurasolagunen testigantzak jasotzen ditu. Horrela, berbalagun zer eta zertarako den azaltzeaz gain, beraientzat egitasmoak zer nolako ekarpena suposatu zuen ere islatzen du.


Beraz, denbora tartetxo bat atera bideoa ikusteko, agian leku eta aurpegiren bat ezaguna egingo zaizue...kar,kar!

Begirale ikastaroaren edizio berria...

Urtero bezala, begirale titulo ofiziala lortzeko ikastaroaren berri eman nahi dizugu. Enkarterriko Euskara Zerbitzuak antolatutako ikastaroa da eta saioak asteburuetan izango dira. Informazio zabaltzeko deitu 94 667 18 51 telefonora edo idatzi euskera@enkarterri.org helbidera. Izena emateko epea hilaren 21ean bukatzen da, beraz, ez ezazu birritan pentsatu eta apunta zaitez !!!

Euskararen erabileraren inguruan hausnartzeko...

"Zergatik ez?" izeneko tailer praktikoa izango da Balmasedan urrian. Gure eskualdean beste batzuetan ere antolatu izan da eta oso harrera ona izaten duen tailerra da. Euskaldunok euskararen erabilera sozialaz hausnartzeko diseinatutako tailerra da, galdera eta hausnarketarako ildoak izango dira aztergai. Parte hartzera animatzen duen saioa da, beraz, anima zaitez eta izena eman iraila bukatu baino lehen !!! Deitu Balmasedako Udaleko Euskara Zerbitzura 94 680 00 00 edo idatzi e-posta: euskera@balmaseda.net. Ez zara damutuko !!!

Agur uda, Kaixo berbalagun !

Ikasturtea hasi eta betiko galderak: zer egingo dut aurten? Gimnasioan izena eman? Ingelera ikasi atzerrira bidaiatzeko? Udan hartutako kiloak galduko ditut gabonetako ospakizunak heldu baino lehenago? Baina gero eta gehiago gara urtero urtero gai berberarekin tematzen garenok: euskaraz gure kale eta tabernetan naturaltasunez egitearena, alegia. Badakizu, ikusi gaituzu, Enkarterriko herri desberdinetan biltzen gara, taberna zein kalean egoten garen taldetxoak gara. Bakoitza bere euskara mailarekin ulertzera ematen da, eta horrela, pixkanaka-pixkanaka, gero eta gehiago gara euskaraz bizitzera ausartzen garenok. Gure galdera, zuri zuzenduta dago: animatuko zara gurekin euskaraz egitera?

Izena emateko bideak:

Facebook: Enkarterriko Berbalagun

E-posta: enkarterri@aek.org

Sakelekoa: 671 07 00 44

Ikasturtea amaitzear dago...

Eguraldiak nahastu nahi gaituen arren, egutegiak ekainean gaudela dio... beraz, egutegiak diona sinestu beharko dugu...


Batzuek antzematen duzue dagoeneko ikasturteko amaierako nekea eta oporren beharra, ezta?

Berbalagun egitasmoaren  ohiko programazioak ere atseden hartuko du (nahiz eta aurten udako berbalaguna ere izango den...)

 
Gero arte esateko momentua heldu da beraz. Baina oporrak hartu aurretik berbataldeetan parte hartu duzuen berbalagun guztiak biltzea proposatzen dizuegu.

Ikasturteko azken poteoa, azken afaria, azken topaketa, azken mintzapraktika saioa... egin nahi dugu eta horretarako hitzordua ondokoa da: ekainak 28, ostirala. 19.30ean triki-kantu-poteoa Darbuka tabernan hasita. Ondoren, Zallako erretegira joango gara afaltzera. Menua 14 eurokoa da eta zenbat lagun joango garen jakin behar dugu erreserba egiteko. Beraz, hasi agendan eguna gordetzen eta izena eman afarirako!!! Bideak betikoak dira: facebook bitartez mezu pribatua  (Enkarterriko Berbalagun), Berbalagun sakelekora deia edo mezua (671 07 00 44) edo e-posta idaztea (enkarterri@aek.org).

Azkenik, eskerrak ematea berbalagun egitasmoa Enkarterrin posible egin duzuen guztioi: euskara teknikariak, kultur eragileak, euskaltzaleak, euskaldun zaharrak, euskara ikasleak... azken finean, egitasmora hurbildu zareten guztioi eskerrik asko!!! Enkarterrin ere euskara elkarri ematen diogu...!!!

Txikientzako txangoa Basondora

Balmasedako Euskara Zerbitzuak irteera antolatu du Basondo fauna babeslekura. Ekainaren 8an izango da eta 4-11 urte bitarteko gaztetxoei dago zuzenduta.











Goizeko hamarretan aterako da autobusa Balmasedatik eta buelta bostetan izango da. 5 euroko prezio du txangoak eta janaria eraman beharko da bertan bazkaltzeko. Argibide gehiagorako deitu hurrengo telefonora:
94 680 00 00 (Miren). Izena emateko epea hilaren 30ean bukatzen da.

Euskararen aldeko jaietara joateko autobusak

Ibilaldia, Eskola Publikoa eta Araba Euskaraz ekimenetara joateko autobusak antolatu dituzte Zallan. Informazioa zabaltzeko ikusi kartela edo bisitatu hurrengo lotura


Balmasedatik ere Ibilaldiara joateko autobusa egongo da. Zubi Zaharra Ikastolan eman behar da izena. Prezioa: 5e Balmasedakoentzat eta 6 Balmasedakoak ez direnentzat.

Gordexolatik Hodoibaltza Euskara Elkarteak ere autobusa antolatu du. Udaletxetik aterako da goizeko hamarretan eta 6 euro ordaindu behar dira.

Ez zaitez etxean geratu !!!