Berriro elkarrekin!

Aupa lagunak!

Uda amaitzen da, bai... baina udazkena badator eta udazkenarekin batera: BERBALAGUNAK mila ekintza elkarrekin egiteko prest!

Iaz gurekin egon zinen? Ederto! aurten ere gurekin jarraitzea espero dugu. Hori dela eta laster jarriko gara zurekin harremanetan taldeak antolatzeko.

Berria zara?, oraindik ez duzu izena eman?. Orain badaukazu izena emateko aukera, ziur gaude zuretzat talde egokiren bat egongo dela!.

Ez duzu BERBALAGUN egitasmoa ezagutzen?. Azalduko dizugu:

Zer da BERBALAGUN?

Astean behin lagunekin elkartu eta gustuko ekintzak eginez euskeraz berba egitea, horixe da gure helburua.

Lagun taldeak astean behin elkartzen dira, zaletasun, adin eta denbora librearen arabera eta talde bakoitzak erabakitzen du zer egin, noiz eta non.

Norentzat da?

Bere euskera hobetu gura duenarentzat. Edozeinek parte hartu ahal du, euskara ikasle izan edo ez, hitz egiteko gogoa baino ez da behar. Eta den-dena DOAN!

Euskaldunontzat ere bada, trebatu gura duenarekin astean behin batuz laguntza ederra ematen delako.

Non eman dezakezu izena?

Gure helbide elektronikoan: enkarterri@aek.org

Enkarterriko AEK Euskaltegian: 946 800 000-607 594 120

Enkarterriko Udal Euskaltegian: 946 670 902

Balmasedako Euskara Zerbitzuan: 946 800 000

Gordexolako Euskara Zerbitzuan: 946 798 002

Mankomunitateko Euskara Zerbitzuan: 946 671 851

Anima zaitez eta atera arbela kalera! Izan berbalagun!

Barnetegi Ibiltariak !!!

Udako ikastaro trinkoak egin beharrean, klasean bost ordu eman beharrean... hona hemen euskara eta aisialdia uztartzeko aukera paregabea !!!

Bi aukera daude:

- Barnetegi ibiltaria OINEZ (lehenengo aldia). Uztailaren 3tik 18ra Euskal Herria mendirik mendi zeharkatuko dugu mutur batetik bestera.

- Barnetegi ibiltaria BIZIKLETAZ. 10. edizioa izango da eta zeguraski uztailaren 7tik 13ra Euskal Herriko hainbat txokotan ibiltariko txirrindulariak topatuko dituzue.

Izena emateko:

Postaz: ibiltaria@aek.org

Telefonoz:

Barnetegia oinez: 663 030 568 (azken eguna: ekainaren 24a)

Barnetegia bizikletaz: 630 148 159 (azken eguna: uztailaren 8a)

Berbakafearen II. edizio arrakastatsua !!!

Hilaren 5ean Berbakafearen II. edizioa ospatu genuen Enkarterriko berbalagunok Balmasedan. Parte hartzea ona izan zen eta eztabaidetan ateratako ondorioak ere interesgarriak izan ziren !!!



Argazkiak ikusteko, hemen.

Euskal Ezkontza Balmasedan!

Ezin galdu ekainaren 19an Eguzki Dantza Taldeak antolatua Balmasedan ospatuko den Euskal Ezkontza. Bertan antzinako ezkontzen errepresentazioa egingo da eta herriko jendeak hartuko du parte soineko tradizionalak jantzita.

Senargaia eta bere familia emaztegaiaren bila joan ondoren herrian zehar paseatuko dira etxea eraikitzeko gauzak dituen idi-gurdia daramatela; altzariak, opariak, ezkontza-horniak... Ezkontza ospatu ondoren trikipoteoa eta oturuntz herrikoia guztiontzat eta eguna amaitzeko Euskal Erromeria !!

Gonbidatuta zaude, anima zaitez!

Hauxe egitaraua:

11:00 Irteera San Severino Enparantzatik. Senargaiaren familia.

12:00 Hamaiketakoa San Juan Plazan. Emaztegairekin topaketa.
13:00 Euskal Ezkontza San Severino Enparantzan.
13:45 Trikipoteoa herriko kaleetatik.
15:00 Kanta bazkaria. Bonoak: 6€ (haurrak 3€). (Eguzki eta Carambola tabernetan)
19:00 Euskal Erromeria San Juan Plazan.

Ekaineko agenda!!

Enkarterriko bertso finala !!!

Enkarterriko Bertso Eskola martxan jarri zenetik emaitza emankorrak eman ditu, herriko plazak eta tabernak ikustea besterik ez dago !!!

Bertsozaletasuna izugarri hazi da gure eskualdean azken urteotan, iragan ostiralean Zallako Zine Antzokian bildu zen jendetza horren adibide bat besterik ez da !!!

Horregatik, bertsozaleentzako hurrengo hitzordua ekainaren 5ean izango da. Zierbanako frontoian Enkarterriko bertsolari txapelketa ospatuko da, 18:00etan.

Berbakafearen II. edizioa !!!!

Iazko arrakasta ikusita, aurten ere berbakafea ospatuko dugu !!! Ekainaren 5ean Balmasedako San Juan plazan elkartuko gara gaurkotasunezko gaien inguruan iritziak trukatzeko... badakizue esaera zaharrak dioena: "zenbat buru hainbat aburu"

Izena emateko epea maiatzaren 31n bukatzen da, beraz, erreserbatu zure eserlekua ahalik eta lasterren !!!

... maiatzaren 30ean Ibilaldia Bermeon !!!

Urtero bezala Bizkaiko Ikastolen jaia ospatuko da hilabete honetan, "Marigoran kikunbera" lelopean. Aurten Bermeon izango da maiatzaren 30ean eta gure eskualdetik autobusak antolatu dira egunpasa joateko.

Zalla
Irteera: 9.00
Itzulera: 19.30
Prezioa: 5 €

Balmaseda
Irteera: 9:00
Itzulera: 20:00
Prezioa: Balmasedakoentzat 4€
Kanpokoentzat 5€
Izena emateko epea: maiatzak 26

Gordexola
Irteera: 10:00
Itzulera: 20:00
Prezioa: 5€
Izena emateko epea: maiatzak 21


Artzentalesetik ere autobusa aterako da, informazio gehiago dugunean helaraziko dizuegu !!!

...badator gure eguna !!!

Urteen poderioz egutegia modernizatuz joan da eta egun, Ignazio Deuna, Santiago Deuna eta Juan Deuna ospatzeaz gain, Harrotasunaren Eguna, Maiteminduen Eguna, Euskararen Eguna ospatzen dugu... eta duela urte batzuk gure egutegian Berbalagunon eguna edo Mintza Eguna ere gehitu genuen !!!

Aurten Arrasaten bilduko gara ekainaren 6an Berbalagun bezalako mintzapraktika egitasmoetan parte hartzen dugunok.

Egitaraua:

11:00etan Ongi etorri berbalagun guztioi eta hamaiketakoa denontzat plazan.
12:00etan Ibilaldi gidatua Arrasatetik
13:30etan Kalejira ( berbalagun guztiok dantzan herria zeharkatuko duen kalejiran)
14:30etan Bazkaria herriko plaza nagusian (20 eurotan)
15:30etan Sari banaketa berezia
16:00etan Erromeria KATAIA taldearekin

Joan nahi baduzue jarri gurekin kontaktuan !!!

Euskal dantza ikastaroa !!!

Maiatzaren 17an hasi eta ekainaren 10ean bukatuko da Zallako Ibai Lorak Dantza Taldeak antolatutako ikastaroa.

Astelehen, asteazken eta ostegunetan bilduko dira kiroldegiko graden azpian, 19.45etatik 20.45etara.

Matrikula 20 eurokoa besterik ez da eta izena emateko telefonoak hurrengoak dira:

Miren: 665 72 16 86 Izaskun: 652 75 57 50

Bertsotan blai!

Urtero legez aurten ere punta puntako bertsolariak Zallako Zine Antzokian datorren astean, maiatzak 21, 20:00etan, ospatuko den bertso jaialdian.

Aurten gurekin izango dira Amets Arzallus, Unai Iturriaga, Sebastian Lizaso, Anjel Mari Peñagarikano eta Zallako Bertso Eskolako Imanol Arrutia.

Berbalagunentzat gonbidapenak ditugu, beraz berbalaguna eta bertsozalea bazara gonbidatzen zaitugu!.

Gonbidapenak lortzeko epea maiatzaren 13an amaitzen da, beraz bidalguzu mezua (enkarterri@aek.org) edo hartu eskukoa eta bidali zure izena honako zenbakira: 607594120.

Anima zaitez!

Ekitaldiz beteriko hilabetea !!!

Krisia atzean uzten ari garela dirudi... badator, azkenean, aukeraz beteriko agenda !!!

Pozalaguako kobazuloak eta euskara

Santurtziko berbalagunei gure eskualdean gertatutakoaren berri eman nahi dizuegu. Informazioa zabaltzeko hemen sakatu.

Berbalagun barbakoa !!!

Zer: berbalagun barbakoa !!!

Noiz: Maiatzak 9, igandea, egun osoan zehar (Ordu zehatza konfirmatzeke)

Tokia: erabakitzeke, eguraldiaren arabera... (Aurrerago konfirmatuko dugu)

Menua: momentuz begetarianoentzako gauza gehiegirik ez, haragia eta haragia !!! ñam, ñam...

Izena emateko: 15 euro sartu, zuen izen abizenekin batera Euskadiko Kutxako kontu honetara: 3035 0090 60 0900023815 (nabari da berbalagunon artean bankaria dugula...).

Euskal musika tresnen erakusketa !!!

Apirilaren 23an Euskal Herriko musika tresnekin izango dugu hitzordua Balmasedan.

Arratsaldeko 5etan San Juan plazara hurbilduko gara. Alboka, txistua, danbolina, txirula, txalaparta, trikitixa, pandero, atabala, eta dultzaina ezagutzeko aukera emango digu doako saioak.

Soinutresna bakoitzaren inguruko hizketaldiez gain zuzeneko musikaz gozatzeko parada ere izango dugu !!!

Ez galdu aukera !!!

Zatoz Galdamesko bide berdea ezagutzera !!!

Hartu agenda eta apunta ezazu datorren larunbatean, apirilaren 24an, giharrak astintzeko txangoa dugula !!!

Goizean goiz Galdameserako errepidea hartuko dugu eta bertako bide berdea ezagutzera joango gara. Bi taldetan banatuko gara, oinez egin nahi dutenak batetik eta bizikletaz egin nahi dutenak bestetik. 12etan bokata jateko elkartuko gara eta bukatu ostean etxera bueltatuko gara bazkaltzera.

Anima zaitezte !!! Negua atzean utzi dugu dagoeneko eta naturaz gozatzeko denboraldia hasi da !!! Interesa baduzue esaguzue ahalik eta lasterren, Galdamesera auto pribatuetan joango gara eta... antolatzen hasi behar dugu !!!

Kontserbak eta marmeladak egiteko ikastaroa!

Kontserbak eta marmeladak egiten ikasi nahi duzu? Hemen daukazu aukera paregabea!.

Enkarterriko Mankomunitateko Euskara Zerbitzuak , Zallan antolatu duen "Kontserbak eta marmeladak" ikastaroa dohainik da eta bertan ikasiko dituzu zure etxean praktikan jartzeko teknikak.

Ikastaroa Zallan izango da, apirilaren 27 eta 29an eta maiatzaren 4,6,11, eta 13an, arratsaldeko 17:30etik 20:30era.

Plazak mugatuak dira eta izena emateko epea apirilaren 21ean amaitzen da, beraz, adi egon!. Izena emateko telefono honetara deitu: 94 667 18 51 (Enkarterriko Mankomunitateko Euskara Zerbitzua).

...... uuummmm zer gozoa!

Martxoaren 27an TxOOOtx !!!!!!

Enkarterriko Berbalagun eta AEK-k TxOOOtx egingo dugu martxoaren 27an.

Gipuzkoarren lurraldean egun osoa emango dugu sagardoa "dastatzen" eta gure arteko harremanak sendotzen.

Izena emateko azken eguna 17a izango da, beraz, ez lokartu eta deitu lehenbailen !!!

AIZU ! aldizkaria merkeagoa berbalagunentzat

Berbalagunek urteko harpidetza merkeagoa lortu ahal izango dute. Aizu ! aldizkariak 10 ale kaleratzen ditu urtean eta euskara errezean idatzitako testuak biltzen ditu.

Euskara ikasten ari direnentzat edota euskaraz irakurtzera ohituta ez daudenentzat aldizkari egokia da.

Berbalaguna bazara eta aukera hau aprobetxatu nahi baduzu, bete ezazu formularioa eta harremanetan jarriko gara!

Bikote euskaldunaren bila !!!

Bikote euskalduna topatzeko webgunearen berri eman nahi dizuegu oraingoan.

Berbalaguna izanda lehenengo hiru hilabeteetako harpidetza dohainik izango duzu. Aprobetxa ezazu !!!

Irakurle kluba, norentzat?

Irakurle amorratuentzat, noizean behin irakurtzen dutenentzat, euskaraz irakurtzen dutenentzat, euskaraz irakurri nahi dutenentzat, bakarrik edota kopainia onean irakurtzen dutenentzat, ozenki irakurtzen dutenentzat, isilpean irakurtzen dutenentzat, irakurritakoa hausnartzen dutenentzat, konpartitzen dutenentzat........ denontzat!.

Irakurle kluba talde irekia da, ez da beharrezkoa literaturan aditua izatea, eskatzen den bakarra irakurtzea da. Denon artean erabakiko dugu zein liburu irakurri, noiz bildu ....

Interesgarria iruditzen bazaizu etor zaitez martxoaren 23an taldeak ospatuko duen lehenengo bilerara, bertan gure asmoak eta helburuak konpartituko ditugu. Bilera Zallako AEK Euskaltegian ospatuko dugu 18:30ean.

Parte hartzeko zure izena eta telefonoa bidali behar diguzu, horretarako bi dira bideak:

- sms: 607 594 120

- enkarterri@aek.org

Martxoa heldu zaigu !!!

SMS beroen lehiaketaren irabazleak !!!

Gogoratzen abenduko gau elektrikoa epeltasunetik berotasunera abiatu ginenean? Hezetasunean, trumoien zarataz euria hasi zuela? Hura bai klima aldaketa !

Irabazlea: Inma Llaguno Alonso
Saria: 2 pertsonentzako afaria eta ordu bateko spa zirkuitoa


Nire amets zure pentsamendu, zure pentsamendu neuronen orgia, orgia gure artekoa izan arte ni sutan, zure besoetan urtzeko zain, zure ezpainetan hats izan nahian !

2. Irabazlea: Terese Gartzia Ortiz
Saria: 50 euro euskarazko produktuetan



Maitxi, gogoak ditut zure gorputz goxoa laztantzeko, muxuka jango zaitut !! Etorri etxera ta ez zara damutuko...

3. Irabazlea: Alexander Pamo
Saria: 30 euro euskarazko produktuetan

Martxelo Otamendiren hitzaldia

Bihar, otsailak 25, BERRIAko zuzendaria, Martxelo Otamendi, gure artean izango dugu hitzaldi interesgarri bat emateko.

"Egunkaria arrazoi ezaren epaiketa" hitzaldiaren gaia da eta bertan Egunkaria auziaren berri emango digu.

Hitzordua arratsaldeko 7:30ean Balmasedako Kultur Etxean izango da.

Egunkaria auziari buruz gehiago jakin nahi baduzu ezin duzu hutsik egin!

Antolatzailea: Balmasedako Udala.

Otsaila, maiteminduen hilabetea

Urtarrileko aldapak otsailari eman dio paso eta horrekin batera SMS beroen lehiaketa gurekin dugu berriro ere.

V. edizio honetan amodioa ulertzeko era guztiek lekua izango dute, betiko legez. Baldintza bakarrak: euskaraz izatea, 160 karaktere baino gehiago ez izatea eta irudirik ez eranstea.

Gogoratu !!! Zure maitaleari mezua bidaltzen diozunean, aldi berean guri ere bidali ahal diguzula, ondoko zenbakira: 688 696 655. Horrela, zure azukre koxkorra kontent izateaz gain

lehiaketan parte hartuko duzu!!!

Eta sariak...??? Bai noski !!!

- 2 pertsonentzako afaria eta ordu beteko spa zirkuitoa

- 50 euro euskarazko produktuetan

- 30 euro euskarazko produktuetan

Aztikerreko ikerketan parte hartzeagatik...

Gogoratuko duzuen bezala, Enkarterriko berbalagunok, Euskal Herriko gainontzeko berbalagunek bezala, Aztikerrek kudeatutako ikerketan parte hartu genuen inkesta luzetxo horiek betez.

Eta dinamizatzaileok, zuen parte hartzea motibatzeko edo, parte hartzaile guztion artean afari edo aste bukaera pasa zozketatuko zela esan genizuen, bai?

Ba zozketa dagoeneko egin da. Baina Enkarterriko berbalagunok, putxerak eta afariak gure kasa egiten jarraitu beharko dugu, irabazlea Oiongo talde bat izan baita !!! Zorionak Oiongo berbataldeari eta jarrai dezatela Arabar-Errioxa euskalduntzen !!!

Kirola ere euskaraz !!!

Kirolean ere euskaraz egin daiteke eta hori egiaztatzeko hemen sakatu besterik ez duzu !!!

Kirolari euskaldun ospetsu asko aurkituko dituzu bertan !!!

Euskaldunak behar dira

Enkarterriko berbalagunok pertsona euskaldunak aurkitzeko kanpaina jarri dugu abian. Kanpainaren bitartez, eskualdeko euskaltzaleak bildu nahi ditugu, berbataldeetan euren partehartzea bideratuz.

Berriro martxan!

Kaixo berbalagunok!

Oporrak amaitu dira eta berriro martxan gaude.

Urte berrirako proposamen zerrendarako hemen doakizue ideia bat: zabaldu urtea euskarari!.

Aurten ere elkarrekin jarraitzea espero dugu eta zenbait ekitaldi eta topaketa antolatuko ditugu euskaraz elkarrekin bizitzeko.

Baina hau guztia bete ahal izateko zure laguntza behar dugu, beraz, proposamen edo ideiaren bat bidali nahi badiguzue.... zuen zain gaude.

EHUn kredituak lortu berbalagun izatearen truke!

AEKren mintzapraktika egitasmoetan (berbalagun, mintzalagun...) parte hartzen duten Euskal Herriko Unibertsitateko ikasleek aukera askeko kredituak eskuratu ahal izango dituzte.

AEK eta UPV-EHUk adostutakoa honakoa da:

Unibertsitateko ikasleen zeregina: mintzapraktika egitasmoan dauden euskaldun berriekin astean ordu batez elkartzea eta euskara ikasleak ikas-prozesua amaitzen laguntzea. Egitasmo hauek mintzataldeetan antolatzen da, unibertsitateko ikasleak bertan integratuko lirateke eta laguntzaile papera beteko lukete. Orotara 45 ordu, hau da, 3 kreditu.

Euskal Herriko Unibertsitateak parte hartzen duten ikasleei euren espediente akademikoko aukera askeko kredituak lortzeko aukera emango lizkieke.

AEKren Praktika Zerbitzua berriz, ikasle horien jarraipena eta ebaluazio txostena egiteaz arduratuko litzateke.

Izena eman edo informazio gehiago nahi izanez gero, bete fitxa hau eta zurekin jarriko gara harremanetan.

Ruper Ordorikaren kontzerturako sarrerak ditugu !!!

"Haizea garizumakoa" da Ruper Ordorikaren azken lana eta ostiral honetan Zallako Zine Antzokian aurkeztuko du abeslariak.

Berbalagunok sarrerak lortu ditugu !!!! Beraz, bi sarreren zozketan zure izena eman nahi baduzu, badakizu: Enkarterriko Berbalagun 946 670 312 enkarterri@aek.org

KeMeN LeRtXuNdIrEn kontzerturako sarrerak agortzear !!!

Oraindik ez duzu zure sarrera lortu?

Kemen Lertxundi Ondarrutarrak kontzertua emango du bihar 20:00etan Balmasedan.

Berbalagunok debaldeko sarrera batzuk lortu ditugu, gure artean banatzeko... baina gutxi batzuk geratzen zaizkigu...

hau da zure azken aukera...

Sarrerak lortzeko, jarri gurekin kontaktuan, betiko legez: Enkarterriko Berbalagun 946 670 312 enkarterri@aek.org

Aste honetako ekitaldiak!

Urte amaierako Berbalagun bazkaria !!!

Enkarterriko Berbalagunok putxera erraldoia sukaldatuko dugu abenduaren 12an. Eskualdeko berbalagun guztiok Balmasedako txoko batean elkartuko gara urteari agur esateko.

Bazkaldu aurretik poteoan ibiliko gara hiribildutik eta ondoren, putxera zaintzera joango gara, indaba gozo-gozoak dastatu ahal izateko!!!

Izena emateko azken eguna abenduaren 9a izango da, bazkariaren eguna baino lehen erosketak egin behar baitira. Horretarako 5 euro jarriko ditugu pertsona bakoitzeko, ados???

Datozen egunetako ekitaldiak!

Abesti sorkuntza: euskal musikariekin berbetan!

Bihar, abenduak 3, euskararen nazioarteko eguna musikaz blai ospatuko dugu.

Hori dela eta Enkarterriko Mankomunitateko Euskara Zerbitzuak antolatzen duen“Abesti sorkuntza: euskal musikariekin berbetan” izeneko ekitaldira joateko gonbidapena luzatu nahi dizuegu.
Bertan, Seiren taldeko Jokin Lacalle (ahotsa eta bibolina) eta Onintze Garcia (kitarra eta ahotsa) alde batetik, eta Lor taldeko Lander Irazola (kitarra eta ahotsa) bestetik, oholtzan izango dira elkarrizketatuak izateko.

Musikaren beste ikuspuntu bat ezagutzeko aukera izango duzu eta gainera ondo pasatuko duzu!

Gehiago nahi duzu? Joan zaitez bihar, goizeko 11:00etan Zallako Zine-Antzokira eta egin berba musikariekin! …. eta gainera…. DOAN!

Iratxe Mugire Sopuertan !!!

Sopuertako Berbataldeak plana antolatu du ostiral honetarako !!! Eskualdeko berbalagun guztiok elkartzeko aitzakia izango dugu, beraz, ostiralean. Iratxe Mugire kontzertuan izango da Sopuertan eta giroa berotzen hasteko berbapoteoa egingo dugu 19:30ean. Euskal kantautorearen kontzertua ondoren hasiko da, 21:00etan, Inhar tabernan.

Datozen egunetako ekitaldiak!

Igandean mendira goaz!

Udazken tropikal honetan mendiak kolore ikusgarriak erakusten dizkigu eta kolore horietaz gozatzeko mendira abiatu gara Enkarterriko berbalagunok, eta zein mendi aukeratu dugu honetan? Zallako Ubieta mendia!

Ibilaldia 9:30ean hasiko da, eta AEK-ko patioan geratuko gara , hortik La Magdalena auzotik igotzen den pistara abiatuko gara eta bidexkek gora eramango gaituzte.

Goian paisaiaz gozatu ondoren bokata hartu eta poliki poliki behera joango gara.

Beraz mendizaleok, ez ahaztu, azaroaren 29an bagoaz mendira!!.

Zenbat izango garen jakiteko eta denak elkarrekin abiatzeko osteguna baino lehen izena eman behar da, hurrengo helbide elektronikoan: enkarterri@aek.org edota 946670312 telefonoan.

Prestatu bokata eta etorri gurekin!

BERRIA %50 merkeago berbalagunentzat

Berbalaguna bazara AEK-k BERRIArekin duen akordioari esker, asteburuetan zure kioskoan %50 merkeago jaso dezakezu egunkaria.

Horretarako zure datuak hemen bete eta kioskoaren izena eta helbidea idatzi. Datuok konprobatzeko jarri zein egitasmotan parte hartzen duzun.

Barrez lehertu nahi?

Zure eguneroko arazoak ahaztu nahi dituzu? Oraindik ez dakizu barrez lehertzea zer den?

Izena eman Barreterapia tailerrean eta baietz barrez lehertu!!

Non: Balmasedako Emakumearen Etxean.

Noiz: Azaroak 28, 11:00-13:00.

Partaide kopurua: 15.

Izena eman: Balmasedako Euskara Zerbitzuan, azaroaren 20ra arte. 946 800 000 (Miren),
euskera@balmaseda.net

DOAN! Anima zaitez!

Masaje ikastaroa euskaraz !!!

Lekua: Artzentalesko Kultur Etxea
Data: Azaroak 7, 14, 21
Ordutegia: 10:00 - 13:00
Prezioa: 15€ (Berbalagunek 10€)


Kepa Martiarena osteopatak masaje mota desberdinak erakutsiko dizkigu: terapeutikoa, erlaxatzekoa... Horretaz gain, gorputz-jarrera egokiak, elikadura osasuntsua eta kirolean luzamenduak egiteko gomendioak emango dizkigu, besteak beste.



IZENA EMATEKO

Mankomunitateko Euskara Zerbitzura deitu eta Loreaz galdetu: 94 667 18 51

Epea dagoeneko irekita dago eta azaroaren 2an itxiko da.

Dirulaguntzak eskatzeko epea hasi da!

Urtero bezala Balmasedako Udalak dirulaguntzak emango dizkie euskara ikasten ari diren balmasedarrei.

Dirulaguntza - motak:

- Euskara ikasten aritu diren ikasle guztiek ordaindutakoaren %40 jaso ahal izango dute.

- Haurrekiko harreman estua duten ikasleek ordaindutakoaren %70 jaso ahal izango dute.

- Derrigorrezko Bigarren Hezkuntzako eta Batxilergoko ikasleek ordaindutakoaren %60 jaso ahal izango dute.

Dirulaguntzak eskatzeko epea urriaren 15etik azaroaren 13ra bitartean luzatuko da, eta eskabidea Balmasedako Euskara Zerbitzuan goizeko 9:00etatik 14:00etara aurkez daiteke.

Informazio gehiago lortzeko: 946 800 000 (Miren), euskera@balmaseda.net

GaLdAmEs FoLk 09 !!!

Asteburu honetan VIII. Nazioarteko Folk Jaialdia ospatuko da Galdamesen. Berbalagunok ere bertan egongo gara !!! Ostiralean OREKA TX taldearen kontzertua egongo da. Elkarrekin ikusiko dugu kontzertua? Elkarrekin dantzatuko dugu?

Enkarterri jaietan !!!

Enkarterriko biztanleok badaukagu oporren osteko depresioari aurre egiteko erremedioa... jaiak, jaiak, jaiak !!! Jaiak dira sorginen sendagairik onena ! Karrantzako jaiak, Zallako jaiak, Balmasedako jaiak... ezin dugu atsedenik hartu!


Eta jai giro ederra aprobetxatuz berbalagunok hitzordua jarri dugu larunbat honetarako! Zallako jaietan euskara eguna ospatuko dute: bertso-bazkaria, euskal erromeria... Horregatik 13.00etan poteatzeko geratu gara Zure Etxe tabernan.

Ez hutsik egin, zerrenda pasako dugu eta !

Antsietateari aurre egiteko ikastaroa, Gordexolan

Nola egin aurre antsietateari?
Gordexolako Udaleko Euskara Zerbitzuak antolatu duen ikastaroan antsietatea kontrolpean edukitzeko teknikak ikasiko ditugu.

Antsietateari nola egin dezakegun aurre, gorputza eta burua erlaxatzeko teknikak eta inguruko pertsonekin nola erlazionatzen garen aztertuko dugu metodologia aktiboa eta parte-hartzailea izango duen Gustura nago ikastaroan.

Ikastaroa urriaren 2tik abenduaren 18ra eta ostiraletan 19:00etatik 20:30era burutuko da.

Izena emateko epea: irailaren 14tik 25era.
Prezioa: gordexolarrek 10 €, besteek 30 €.
euskarazerbitzua@gordexola.net

Tel: 946 798 002 (Itziar)

Enkarterriko berbalagunak berriro martxan!

Kaixo berbalagunok!

Uda amaitu da..., baina ez kezkatu! ez zara batere aspertuko, Berbalagunok berriro martxan gaude eta aurten ere zenbait ekintza prestatuko ditugu denok euskaraz ondo pasatzeko.
Berbalagun batzuk hasi dira biltzen eta laster berriak ere hasiko dira, beraz, izena eman nahi baduzu, orain daukazu aukera.

Zein da gure helburua?
Euskaldunen sarea osatzea eta astean behin elkartzea gustuko ekintzak egiteko eta euskaraz berba egiteko.

Lagun berriak egingo dituzu eta haiekin irteerak, ikastaroak, hitzaldiak, antzerki lanak.... gozatuko dituzu.

Nork eman dezake izena?
Euskaldun zaharrek zein berriek, euskara ikasleek eta euskara ikasle ohiek eta orokorrean euskaraz mintzatu eta bizi nahi duen edonork.

Non eman dezakezu izena?
Gure helbide elektronikoan: enkarterri@aek.org

Enkarterriko AEK euskaltegian: 946 670 312
Enkarterriko Udal euskaltegian: 946 670 902

Balmasedako euskara zerbitzuan: 946 800 000

Gordexolako euskara zerbitzuan: 946 798 002

Mankomunitateko euskara zerbitzuan: 946 671 851

...eta dena DOAN! Anima zaitez eta etorri gurekin!

Aisialdirako begirale ikastaroa

Enkarterriko Udal Mankomunitateko Euskara Zerbitzuak urtero antolatzen duen begirale ikastaroa dagoeneko martxan da. 18 urte beteta badituzu edo 2010ean betetzen badituzu eta ume zein gazteekin lan egin nahi baduzu hemen daukazu aukera. Ikastaroa asteburuetan izango da eta bukatuz gero Eusko Jaurlaritzaren diploma ofiziala eskuratuko duzu.

Gaur amaitzen da izena emateko epea, beraz, azken aukera duzue parte hartzeko ! Beraz, interesa badaukazu deitu 94 667 18 51 telefonora !

LAN ESKAINTZA

AEK-k BERBALAGUN EGITASMORAKO DINAMIZATZAILEA BEHAR DU

Lanaldi erdiz, jardunaldi osoz aritzeko aukera. 2009ko urritik hasita 2010ko ekainera arte (luzagarria), Enkarterriko Berbalagun programaren mintzapraktika taldeak, kultur ekintzak, publizitatea eta koordinazio lanak antolatu eta gauzatu beharko ditu. Berbalagun egitasmoaren helburua euskaldunei eta euskara ikasleei erabilera eta praktika guneak eskaintzea da.
EZINBESTEKO BALDINTZAK:
· Euskalduna izatea.
· Informatikari buruzko oinarrizko ezagutza.

BALORATZEKOAK:
· Talde dinamizazioan eta antolaketan esperientzia
· Enkarterrikoa izatea.
· EGA titulua edo baliokideak.

CURRICULUMAK JASOTZEKO:
Interesdunok bidali zeuen curriculumak IRAILAREN 4a BAINO LEHEN ondoko helbidera. praktikatu@aek.org

Erreferentzia: enkarterriko berbalagun

ARGIBIDE GEHIAGO:
618 57 44 66