Korrika 16. omenaldia ekitaldia

Larunbatean, otsailak 7, arratsaldeko 7etan estreinatuko da Bilboko Euskalduna Jauregian Korrika 16ren omenduak protagonistatzat dituen dokumentala.

Protagonistak euskaraz bizi nahi dugunon herrira etorritako lau pertsona dira. Korrika 16ren omenaldi beroa merezi duten milaka eta milaka lagunen ordezkari gisa hartutakoak.

Mixele, Rami, Jesus Mari eta Tereixa. Lau pertsona ezezagun, aktore izan barik eta zinemaren munduarekin inolako loturarik eduki gabe, prest agertu dira Korrika 16ri ekarpen eder hau egiteko.

Hamaika dira euren modura euskarara hurbildu direnak eta euskaldun asko eta asko lau pertsona hauen bizitzetan identifikatuta sentituko dira, beraiek euskaraz bizi nahi dugunon herrira egindako ibilbidea milaka lagunek egin dutenaren antzekoa izango baita ziur aski.

Bidaia intimoak, Jon Maiak zuzendutako eta Orio Produkzioak ekoiztetxeak Korrika 16rentzat egindako dokumentala da.

Sarrerak bost euroko balio sinbolikoa du.

Esan ongi etorri euskaraz bizi nahi dugunon herrira etorri direnei!

Dantza egin dezagun!

Otsailaren 5ean, Gordexolan, aukera paregabea izango dugu dantza egiten hasteko edo dantzari amorratua bazara zure "estiloa" hobetzeko.

Soka-dantza, jota, porrusalda, balsa, mazurka, txotisa, pasodoblea, polka.... protagonistak izango dira eta honetaz gain, ariketa erritmiko eta koreografikoak. Eta gainera doan!!. Baina adi ibili, dantzariak 15 pertsona besterik ez dira izango.

Norentzat da tailerra?: Dantza gogoko duten gazte eta helduentzat (12 urtetik gorakoak).

Helburuak: Era errez, argi eta jostagarrian dantza tradizionalaren errepertorioko aukerak erakustea, dantzarekin lehen kontaktua izatea eta zaletuak ikastean hastea.

Izena emateko: Gordexolako kultur etxean ( Tel.: 946 798 061), urtarrilaren 30era arte.

Partehartzaileei kamiseta eta CD didaktikoa emango zaie.

Antolatzaileak: AIKO Kultur Elkartea, BBK eta Gordexolako Udala.

Urtarrileko agenda

Enkarterrik ere, Euskaraz Bai!, esango du.

Abenduaren 13an BECera joango gara, hantxe kontseiluak 10.urteurreneko ekitaldi nagusia ospatuko da.

Ekitaldia 18:00etatik aurrera izango da eta nahiz eta dohainik izan, sarrerak aldez aurretik eskuratu behar dira . Horretarako http://www.nierebanoa.com/ -n sartu edota 902 820 240 telefonora deitu.

Euskarak behar zaitu, eman pauso bat harago!

"Pausu bat harago" bideoa ikusi nahi duzu??

Abenduko agenda

Hil honetan Enkarterrin ez dago aspertzeko modurik.
Ezetz sinestu??. Ikusi gure Agenda eta badakizu, Enkarterrin ere Euskaraz bizi!.

MIKEL MARKEZ + SEIREN kontzerturako 4 sarrera opari!

Balmasedan azaroaren 21ean, gaueko 21:00etan, kontzertu ikaragarri Balmasedan!...

...eta saridunak dira........ Carla Maria Moreira eta Bittor Hernandez !!

Zorionak eta mila esker parte hartzeagatik!!

Eta zu, kontzertura joango zara? Konta iezaguzu....

MIKEL MARKEZ
Hogei urteko ibilbidea zaila da disko batean laburbiltzea. Kantariak abesti onak egitea gustuko izateaz gain, kanten artean entzulearen gogokoenak aukeratzen jakin behar du. Mikel Markezek, ordea, bi dohain hauek agertzen ditu Klaret Antzokian aurkeztuko duen bilduma diskoan. Soka-akorde berrituen indarrez, dotorezia eta sakontasun harrigarria erantsi dizkie antzinako grabazio
entzutetsuei. Eboluzio miresgarri baten lekuko izango dira zure begiak.

SEIREN
Gazte talde kementsu bezain arrakastatsua da Seiren talde bizkaitarra. Iazko Durangoko Azokan salduenetarikoa izateaz gain, irratietako ohiko doinu bilakatu da beraien estreinako lana, “Pertsona baten bila” . Eguneroko paisaiak eta antzinako bizipenak gogoan dituen unibertso hurbil eta zintzoa aurkeztea da beraien ospearen gakoa. Beraien oinarri goxoa, pop estiloaz baliatzen da sentimenak eta desioak irudikatzeko, betiere zeltar doinu zertzeladaren
laguntzaz. Freskotasuna lau haizeetara Klaret Antzokiko aretoan.

Aurtengo kanpainaren aurkezpena

Enkarterriko aurkezpena!!
Kaixo berbalagunok! Azaroaren 6an, Enkarterriko Berbalagun egitasmoaren aurkezpena egin genuen, jendez gainezka egon zen eta zenbait partaide berri lortu genuen.

Baina oraindik garaiz da, izena emateko epea zabalik dago eta!!!

Anima zaitez eta euskaraz bizi!!

Aurkezpenaren argazki gehiago ikusteko klikatu hemen.

2008-2009ko kanpaina hasi da!!!

Kaixo lagunok!
Hemen gaituzue berriro Berbalagunen inguruan zehazki eta, euskararen inguruan orohar, Enkarterrin gertatuko edo gertatu diren gora-beheren berri emateko prest.

Hurrengo astean etxeetako buzoietan banatutako eskuorrien bitartez Berbalagun egitasmoan izena emateko eta parte hartzeko aukera izango dugu herritar guztiok. Hauetan azaltzen den fitxa bete eta ondoren azaltzen diren lekuetan entregatzea besterik ez da egin behar.

Non:
Enkarterriko AEK euskaltegian
Enkarterriko Udal euskaltegian
Balmasedako euskara zerbitzuan
Gordexolako euskara zerbitzuan
Mankomunitateko euskara zerbitzuan

Telefonoz edo email-ez izena emateko:
Telefonoa: 946 670 312
enkarterri@aek.org

bizkaiera ikastaroa

BERBALAGUN EGITASMORAKO DINAMIZATZAILEA BEHAR DUGU

Lanaldi erdiz, 2008ko urritik hasita 2009ko ekainera arte (luzagarria), Enkarterriko Berbalagun programaren mintzapraktika taldeak, kultur ekintzak, publizitatea eta koordinazio lanak antolatu eta gauzatu beharko ditu. Berbalagun egitasmoaren helburua euskaldunei eta euskara ikasleei erabilera eta praktika guneak eskaintzea da.


EZINBESTEKO BALDINTZAK:
· Euskalduna izatea.
· Informatikari buruzko oinarrizko ezagutza.

BALORATZEKOAK:
· EGA titulua edo baliokideak.
· Talde dinamizazioan eta antolaketan esperientzia
· Enkarterrikoa izatea.



CURRICULUMAK JASOTZEKO:
Interesdunok bidali zeuen curriculumak IRAILAREN 12a BAINO LEHEN ondoko helbideetara. Gutun azalean BERBALAGUN idatzita agertu behar da.

Balmasedako Euskara Zerbitzua
San Severino plaza 1,
48.800 Balmaseda

Mankomunitateko Euskara Zerbitzua
La Inmaculada auzoa, 1548.850 Aranguren - Zalla

E-postaz bidaliz gero: edorta-l@aek.org
Erreferentzia: enkarterriko berbalagun


ARGIBIDE GEHIAGO:
618 57 44 66

Karrantzako euskal Jaia

Uztailak 12, zapatua

08:00_ MARTXA Karrantza Mendi Taldearekin.
11:00_ Pregoia, buruhandiak, biribilketa, azoka tradizionala, zizelka erakustaldia, umeentzako tailerrak, marmitaKo lehiaketa,…
12:30_ Herri Kirolak :
Soka tira
Zaku lasterketa
Ardatz baten gainean gurdiari buelta eman
14:30_ MARMITAKO leihaketa.
16:30_Mus eta Briska.
17:00_ Erromeria PATXI eta KONPANIAren eskutik.
19:00_ Ipuin kontalaria eta betiko jolasak. Umeentzako.
19:30_ Larrain Dantza
20:00_ Nagusientzako Joko tradizionalak.
21:30_ Erromeria OIHERGI taldearen esku.

ANTOLATZAILEA: Euskal Folklore MENDI-HARANA Kultur Elkartea

La Quadrako jaiak

Ekainak 27, ostirala

18:00.- Txupinazoa eta jaien hasiera

18:00.- Umeentzako GAZTELU PUZGARRIAK

20:00.- odoloste eta txistorra jana.

20:30.- Sodupeko MENDI ONA abesbatzarekin Kontzertua

21:00.- Herriko trontzalari lehiaketa

23:30.- Errumba Kontzertua NARAINA Katalunyako taldearekin eta gero dantzaldia LUHARTZ taldearekin






Ekainak 28,Larunbata

13:00.- Umeentzako marrazki txapelketa.

13:30.- Umeentzako “Futbolin” lehiaketa (bikoteka eta 16 urte arte)

13.30.- Poteo eta tapeo

18:00.- Umeentzako jolasak: BURDIN MENDI taldearekin “ALTXORRAREN BILA”

18:30.- Helduentzako “FUTBOLIN” lehiaketa (bikoteka eta 17 urtetik gora)

Izen ematea: 5€/bikoteka

Sariak: 70€/50€/30€

19:00.- Jai herrikoia “La Quadrako trikitilari eta albokarien taldearekin” eta “KATXARRADA” perkusio taldearekin

19:30.- Euskal Herriko dantzak EGUZKI BARRI (La Quadra) eta GAZTEDI (Santutxu) dantza taldeekin

21:00.- Tortila txapelketa. (aurkezpena)

Sariak: 30€/20€/15€

23:30.- Dantzaldia TRIKIZIO taldearekin

01:00.- Kontzertua GOSE taldearekin eta gero jarraituko du dantzaldiak TRIKIZIO taldearekin

05:00.- Baratzuri sopa






Ekainak 29, Igandea

12:00.- Tiragoma txapelketa eta erakusketa

13:00.- Aperitibo gozoa

13:00.- Bolo txapelketa

Izen ematea: 3€

Sariak: 30€/20€/15€

13:30.- Pintxo dastaketa

14:30.- Herriko pultzo lehiaketa

Saria: Euskal produktu saski bat

19:00.- PIRRITX eta PORROTXekin jai zoragarria

20:00.- Txokolatada eta ongi etorria Saharatik etortzen diren umeei

Jaien amaiera HARITZETA La Quadrako taldearekin

Euskal jaia

Ekainak 29, Gordexola

10:00etan Ohi bezala oinez igoko gara San Kosmera
11:00-13:00 Bertoko Trikitilariak taldeak giroa alaituko du.
13:00etan Meza
14:00etan Herri Bazkaria
16:00etan Ipuin Kontalariak
Arratsaldean Mirlimirloke taldearen musika emanaldia
19:00etan Molinar plazara jaitsiko gara
20:00etan txokolate jana

Egun osoan jolasak eta herri kirol txapelketak egongo dira (uztaiak, sokatira, tiragomak, txingak, goma xingolak, igela toka, paluak eta soka)

kirol abentura

Mendebala 2008

Urtero lez Kantauriar itsasertzeko musika bilgunea den Fok Jaialdia ospatuko da asteburu honetan, ekainak 27 eta 28, Sopuertako enparantzan. Kontzertuak 22:00etatik aurrera izango dira eta bai kanpatzeko lekua bai sarrera dohainik izango da.

ostegun kulturala

Enkarterriko Kafe Antzokia

Datorren asteazkenean, ekainak 25, 19:30ean Sodupeko Kultur etxean bilera bat egongo da, Kafe Antzokiaren proiektuaren inguruan egon diren azken albisteak (txarrak) azaltzeko.

Beno, batzuek zertxobait dakizuenez emango dugu hemen azalpentxo labur bat egoera nola dagoen:

Proiektu teknikoa zeharo garatu da eta Antzokia egiteko obra-baimena lortu da Udaletxea.
Baina, honen ondorioz, aurrekontu zehatza egitean, sekulako desbideraketa topatu dugu.
Honek kolokan jartzen du hasieratik proiektu honekin geneukan diseinua: auto-finantziazioa, alegia.

Arangurengo jaiak 2008

Uda hastear dagoela herriko jaietako trena martxan jarri da eta lehenengo geltokia Arangurenen izango du.

EKAINAK 20, OSTIRALA
19:00 Txupinazoa eta jaien hasiera.
19:30 Frontenis txapelketaren finalak.
21:30 DELITO Y MEDIO taldearen kontzertua.
22:30 MALESTAR GENERAL bertako taldearen kontzertua.
23:30 Frontenis txapelketaren sari banaketa.
23:30 Berbena DRINDOTS taldearekin.
1:00 Berbenaren jarraipena LISKER taldearen eskutik.

EKAINAK 21, LARUNBATA
12:00 Birziklatutako jostailuren salmenta Argentinako proiektu baterako. ‘Irekitak Munduari’ misio taldearen eskutik.
12:30 Tortilla txapelketa. Opariak partaide guztientzako (Izen-ematea 3 €).
13:00 Dantza-alardea Zallako ‘Ibai-Lorak’ taldearekin eta ‘Artzentalesko Dantza Taldearekin.
14:30 Bazkari herrikoia plazan.
18:00 Futbito txapelketaren finalak.
20:00 Abasolo eta bere animalien showa.
22:00 NEUROTIKA taldearen kontzertua.
23:00 Futbito txapelketaren sari banaketa.
23:30 THE LOCOS taldearen kontzertua.
1:00 Berbena KRESALA taldearekin.

EKAINAK 22, IGANDEA
8:00 Izen-ematea ehizarako txakurren lehiaketarako
8:30 Ehizarako txakurren lehiaketaren hasiera futbol zelaian.
12:00 ‘Aranguren Mikologi Elkartea’ren perretxiko erakusketa.
13:00 Zenbait artikuluren erakusketa eta salmenta Argentinaren mesedetan ‘Entzutekoak’ elkartearen eskutik.
13:30 Umeentzako ikuskizuna plazan.
14:15 Perretxiko dastapena.
17:00 Haur jolasak eliza aurrean. Partaideek opariak jasoko dituzte.
17:30 Briska eta mus txapelketak Centro Socialen.
18:30 Txalupa jaitsiera.
20:00 Zaldi-probak La Llana taberna aurrean.

EKAINAK 23, ASTELEHENA
12:30 Umeentzako filma hiltegi zaharrean.
17:00 ‘Magic’ kartetako lehiaketa La Naranja Mecánica bideokluban.
20:00 Umeentzako mozorro lehiaketa.
20:15 Txokolatada.
20:30 Dantzatzekoak enparantzan LOS PALMERAS taldearekin.
22:30 Donibane sua eta su artifizialak.
23:00 Dantzatzekoen jarraipena.

EKAINAK 24 (JON DEUNA)
12:00 Gaztelu puzgarriak.
16:30 Aparra enparantzan.
18:30 Jon Deunaren meza, “Juanito” gogoratuz, Zallako “Laino Eresi” korala parte hartuz.
20:00 Eskupilota festibala Arangurengo Gazte Zarrak pilotariekin.

Jai Batzordeak egitaraua aldatzeko eskubidea bereganatzen du.

Kardala dokumentala

KARDALA dokumentalaren proiekzioa eta egilearekin mahai-ingurua izango dugu Balmasedako Kultur Etxean

Eguna: ekainak 19

Ordua: 18:30

Euskal arrantzale zaharrek diotenez, KARDALA olatua lehertzen hasten denean, honen gandorrari itsasoak ematen dion bultzada edo oldarra da. Gure arrantzaleek eta beren itsasontziek, mendeetan zehar, olatuek lehertzean sortzen duten oldarra jasan eta pairatu behar izan dute. Arrantzaleen emazteek antzeko indarra behar dute egunero, beren familiak aurrera ateratzeko.
Dokumentala bizkaieraz izango da: era honetan kostaldeko hizkera gerturatuko dugu Balmaseda aldera eta bizkaieraz gozatzeko aukera aparta izango dugu. Itsasoari buruzko pelikula da baina arrantzaleen emazteen ikuspuntutik. Sarri, ia ia beti, itsasoari buruz berba egin denean, gizonen ikuspuntutik berba egin izan da eta albo batera laga izan dira euren familiak.

.-CANAL+ ek ekoiztutako lana denez azpitituluak ditu gaztelaniaz. Etnografiaren inguruko eta bestelako zinemaldietan hainbat sari lortu ditu lanak.

Barnetegi ibiltaria 2008

Iazko argazkiak

Sari banaketa

Eneko villota margoak
Ziortza Kamiruaga Asteburu pasa
Jose Gutierrez Asteburu pasa
Elias Urkixo Afaria
Raquel Gutierrez Afaria
Eneritz Zulueta DVDa
Izaskun Camiñas DVDa
Miren García kasetea
Arkaitz Simon Mp3
Roberto Blanco Mp3
Xabier Pajares Mp3
Ailande Gauna Mp3
Zuriñe Hurtado Mahai-jokoa
Vicky Gutierrez Mahai-jokoa
Josune Nieto Mahai-jokoa
Alina Ivan Enescu Mahai-jokoa
Marga Fernandez Mahai-jokoa
Jon Martinez Mahai-jokoa
Iñigo Santa Coloma Mahai-jokoa
Iker Plagaro Mahai-jokoa
Iratxe Maruri Mahai-jokoa

Berbalagun festa 08-06-14

BubbleShare: Share photos - Find great Clip Art Images.

araba euskaraz

Domekan, ekainak 15 , Araba euskaraz ospatuko da Bastidan. Balmasedatik Bastidara joateko autobusa doan izango dugu.

Irteera: 09:00etan tanatoriotik
Itzulera: 20:00etan Balmasedan

Izena eman: euskara zerbitzuan eta zubi zaharra ikastolan


Antolatzailea: Balmasedako euskara zerbitzua

ostegun kulturalak

harri-zulatzaileak

Ostegunean, ekainak 12, Zallako AEK euskaltegian "Harrizulatzaileak: meatzari herriaren hatsa. Galdutako nortasunaren bila" Trapagarango Basetxe Gaztetxeak egindako dokumentalaren proiekzioa izango dugu arratsaldeko 19:00etan. Ondoren hitzaldia egongo da kirol honen nondik norakoak ezagutzeko.

bertso trama

Ostiralean bertso trama antolatu genuen Zallan, Akelarre taberna gainezka egon zen, ez da harritzekoa MacFly eta Doc herrira etortzen ziren lehenengo aldia baitzen. Hemen dituzue argazkiak!!

BubbleShare: Share photos - Find great Clip Art Images.

Berbalagun festa

Ekainaren 14ean, zapatuan, berbalagun festa ospatuko dugu Balmasedan. Aurten festa ikaragarria izango da, inoiz baino gehiago. Goizean hasiko gara herriari sua ematen trikipoteo ikaragarri batekin. Bazkaria, bertsolariak, Apurka taldea, Gartzen taldea... eta jakina Euskararen gidabaimena jokoaren sariak banatuko ditugu!!

Enkarterriko bertso txapelketa

BubbleShare: Share photos - Find great Clip Art Images.

Dakizuen lez barikuan Enkarterriko bertsolari txapelketa antolatu zen Sodupen. Hirugarren urtea Enkarterrin txapelketa egiten zela eta lehenengoa seikotea osatzen zela. Zoriontzekoa benetan bai bertsolarien lana bai ikusleen erantzuna, aretoa bete egin baitzen.
Egoera desberdinei aurre egin behar izan zioten gure sei bertsolarik; pintball-ean jolastu, pintadak garbitu, euskara ikasi…ez zen lan samurra izan, baina ederto aritu ziren. Hala ere, betiko lez, txapela eta txapeldun bakarra egon behar. Oraingoan Txapela Barakaldora joan da, ZORIONAK MIKEL!

Klikatu hemen txapelketaren bideo gehiago ikusteko.

Txapelketako argazkiak

bertso sagardoa

Aurten ez zarela sagardotegira joan? Edalontziari ere nola heldu ahaztu zaizula? Ez kezkatu sagardoa dastatzeko beste aukera bat emango dizugu bariku honetan, ekainak 6, Zallako Akelarre tabernan. Eta eztarria bustitzen duzun bitartean Zalla eta Natxituako eskolako bertsolariak entzun ahalko dituzu. Oraingoan; Arrutia anaiak (Aitor eta Imanol), Jon Martinez, Ander Elortegi eta Xabier Enbeita.

Etorri 20:00etatik aurrera Txotx oihukatzera!!

Antolatzailea: Txotx euskara taldea

Ekaineko agenda

Klikatu agendan handiago ikusteko!!

Euskararen gidabaimenaren amaiera

Hasten den guztiak bukaera dauka eta gure jokoa ere ekainaren 6an amaierara helduko da. Aprobetxatu ,beraz, puntuak berreskuratzeko azkeneko aukerak eta ekainaren 6tik 11ra entregatu zure gidabaimena Zallako AEK bulegoan.

Enkarterriko bertso finala

Maiatzaren 31an, Zapatuan, Enkarterriko bertso finalaz gozatzeko aukera daukagu. Saioa arratsaldeko 18:00etan Sodupeko kultur etxean izango da.

Protagonistak: Ion Barrocal, Aingeru Basterretxea, Jokin Castaños, Mikel Petuya, Jon Martinez, Aitor Arrutia
Gai-jartzailea: Argiñe Gonzalez

Antolatzailea: Bizkaiko bertsozale elkartea eta Mankomunitateko Euskara Zerbitzua

sendabelar ikastaroa

Hainbat produktu natural egiten ikasi nahi baldin baduzu, ekainean Sopuertan antolatuko den sendabelar ikastaroan izena eman besterik ez duzu.

Ikastaro hau astelehenetan izango da ekainaren 2tik 23ra, 17:30etatik 20:30etara San Viator ikastetxean. Guztira 12 ordu izango dira 4 egunetan antolatua. Doan.

Izena emateko: Maiatzaren 28a arte
619318685 (Ainhoa)

Ibilaldia

Igandean, maiatzak 25, Ibilaldia, Bizkaiko ikastolen jaia ospatuko da Zornotzan. Balmaseda eta Zallatik autobusak aterako dira.

Balmasedan: Autobusa Balmasedako gasolindegitik aterako da 09:00etan eta 20:00etan helduko da.

Izena emateko epemuga maiatzaren 21ean bukatzen da.

Izena eman: Zubizaharra ikastolan (94 610 30 95)

Prezioa: Balmasedakoentzat 4€ Kanpokoentzat 5€

Antolatzailea: Zubi zaharra ikastola, Balmasedako euskara zerbitzua

Zallan: Autobusa Teide tabernatik aterako da 09:00etan eta 20:00etan helduko da.

Bonoak salgai: Zallako Zure-etxe eta Akelarre tabernetan. Prezioa: 8€

Antolatzailea: Txotx Euskara Taldea

euskal eskola publikoa

Ekainaren 1ean euskal eskola publikoaren jaia ospatuko da Barakaldon. Balmasedatik autobusa aterako da. Irteera zuhaitz loditik izango da 09:30tan eta 20:00etan Balmasedan egongo gara.

Izena-emateko :Balmasedako euskara Zerbitzuan eta Mendiako Guraso elkartean

Izena-emateko epemuga: Maiatzak 23

Antolatzailea: Mendia ikastetxeko Guraso Elkartea eta Balmasedako euskara zerbitzua.

Euskara a contracorriente

Hona hemen Maiatzaren 7an Radio Euskadin emandako erreportajea. Gure eskualdean euskaraz bizitzea erraza ez den arren aukerak egon badaude. Eskerrik asko Sodupeko Berbalagunak!!

Sopuertako argazkiak

BubbleShare: Share photos - Powered by BubbleShare

bertso jaialdia

Euskal Herriak bere eskola

Ohar honen bitartez Euskal Herria bere eskola hezkuntza eragileak, datorren asteartean ,maiatzak 13 , burutuko duen dinamikaren berri ematea da.

Hezkuntza Sistema Nazionala Euskal Herriaren eskubidea da. Baieztapen honetatik gaur egunean Euskal Herriak bizi duen egoera arterako jauzia, ordea, handia da. Euskal Herriak atzeraezinak bilakatu diren urratsak eman ditu bide honetan eta hezkuntza komunitateak bere prestutasun zein konbentzimendu osoarekin aurre egin dio erronka ugariri ( ikastolen sorrera, 80.hamarkadako mugimendu pedagogikoaren loraldia, eskola publiko euskaldun berriaren aldeko masa soziala, ikasle mugimenduaren sorrera, Euskal Curriculuma,...)

Euskal Herriak bere eskolaren iritziz, unea da emaniko urrats guztiak norabide berberean kokatu eta herri honen eskubidea den Hezkuntza Sistema Nazionala egituratzea zein antolatzearen harira hezkuntza mugimendu indartsua artikulatzeko.

Horrexegatik zuk dinamikaren honen parteidea sentitzea nahi dugu datorren asteartean Zallako Kultur etxean jarrita egongo den erakusketara joaten 17:00etatik aurrera edo hezkuntza tailerrean parte hartzen 19:00etan. Guzti hau erakargarri izango delakoan eta han egongo zarelakoan, jaso besarkada bat.

Euskal Herria bere eskola

euskal pilota erakusketa

Maiatazaren 5etik 16ra euskal pilotaren inguruko erakusketa izango dugu balmasedako kultur etxean, pilotaren modalitateak eta materialak ezagutzeko.

Bisita gidatuak euskaraz! igallaga@euskalnet.net

Antolatzailea: Balmasedako euskara zerbitzua

Bertso trikipoteoa

Ostiralean, maiatzak 16, Enkarterriko bertso finalaren aurrerapena bizitzeko aukera ezin hobea eman digute Sopuertako berbalagunek eskualdeko bertso txapelketako bertsolari guztiekin: Jon Martinez, Aitor Arrutia, Mikel Petuya, Jokin Castaños, Ion Berrocal eta Aingeru Basterretxea.

Non? Sopuertako Inhar tabernan
Ordua?19:00etan

Antolatzailea: Sopuertako berbalagun

Babeslea: Sopuertako Udala

Kolitzako igoera

Maiatzak 10, zapatua, goizeko 10:00etan Balmasedako gasolindegitik aterako gara Kolitza mendirantz. Anima zaitez eta ez ahaztu euskara eta ogitartekoa zure motxilan sartzea!!!!!!!!!

Ume jolasak, kantuak eta dantzak ikastaroa

Norentzat: guraso edo hezitzaile euskaldunentzat.
(edo ikasten ari direnentzat)

Noiz: maiatzaren 9tik ekainaren 13a bitarteko ostiraletan, 15:00-16:30
(6 egun guztira)

Non: lan-eskolan

Edukiak:
· Min hartzen dutenekoak
· Burla egitekoak
· Laztantzerakoan egitekoak
· Esku eta hatzamarrekin egitekoak
· Naturarekiko erlazioa
· Kateatuak
Ume-kantu, bertso eta balada eredugarri batzuen bitartez, euskal kantuak landuko dira.
Dantzak
· Jauziak
· Kantudun dantzak
· Joko dantzak

Izena emateko: Euskara Zerbitzuan 946800000, 09:00-14:00 (Miren)
(maiatzaren 5a baino lehen)

Doan

PLAZA MUGATUAK

Zazpi urtean kezka areagotuz

Zazpigarrenez Hizkuntz Eskubideen Behatokiak urteko diagnosiaren argazkia egin eta argazki horretan oinarritutako ondorioak atera ditu. "Zazpi urtean kezka areagotuz" esaldiarekin laburbildu ditu Behatokiko zuzendaria den Paul Bilbaok urteko txostenaren ondorioak.

Zazpi urteotan herritarrek jakinarazi diote Behatokiari hizkuntza-eskubideen egoera "euskararen telefonoa"ren bidez (http://www.euskararentelefonoa.com/ eta 902 194 332). Behatokiak herritarron kexak, zorionak edo galderak jasotzen ditu eta urteko diagnosia egiten du. Atzo (2008-4-24) Iruñean 2007ko txostenaren edukia aurkeztu zuen.

Halere, hori nahikoa ez dela azaldu dute: "Herritarrek erakusten duten kontzientzia aktiboagoak isla zuzena izan beharko luke erakundeek zein administrazioek eskubideen bermatzeko abian jartzen dituzten mekanismoetan". Horren harira, Euskararen Gizarte Erakundeen Kontseiluak prestatutako Euskaraz bai adierazpenak Behatokiaren diagnosiak bete-betean berresten du. Adierazpen horretan euskararen egoeraren balorazioa egin du euskalgintzak: "Euskaldunok euskaraz bizitzeko dugun eskubidea ez dago bermatuta, eta nabarmenak dira egunero sortzen diren ezintasunak. Euskal Herriko hainbat eremutan, euskaraz bizitzeko aukera dagoenean, euskaldunak ahalegin gehigarria egin behar du hori lortzeko ohiko funtzionamendua, lehenetsitakoa, erdaraz garatzen delako".

Progresibotasun-eza eta milaka urraketa
Behatokiak kezka handiz argitaratu du 2007ko urteko txostena, bi elementuk eragindako kezkaz hain zuzen ere: progresibotasun-eza eta milaka urraketa izatea.

Progresibotasun-eza: Eskubide-urraketa batzuk urterik urte errepikatu egiten dira. Administrazioek "progresibotasunaren" edota "arian-arian" bezalako aitzakien bidez eskubideen urraketen betikotzea eragiten dute, 2001ean jasotako kexak kudeatu behar izan baitira 2007an.

Milaka urraketa: Behatokiak ez dio erreparatzen ikuspegi kuantitatiboari kexen irakurketa egiteko. Halere, urterik urte eskubideen urraketen kopuruak gora egitea hausnarketarako elementua da. Euskara erabili, hizkuntza-eskubidea baliatu nahi eta ezin izan duten milaka espedienteren kasuistika kudeatu du.
Urteko txostenaren arabera, berriro ere administrazio guztiek urratzen dituzte hizkuntza-eskubideak.

Frantziako Estatua
Aitortza juridikorik ezak herritarrak babesgabe uzteaz gain, frantsesaren derrigorrezko erabilera justifikatzeko arrazoi bihurtu dute Administrazioek.

Espainiako Estatua
Espainiako Estatuko Administrazioak gaztelania hutsean lan egiten jarraitu izan du 2007an. Urteko kexak baliatuz Erregio edo Gutxiengoen Hizkuntzen Europako Ituna berretsitakoan hartu zituen konpromisoak ez direla bete egiaztatu ahal izan du Behatokiak Europako Kontseiluko Adituen aurrean.

Nafarroako Gobernua
Dekretu murriztaileek eskubideen aitortzarako agertzen zituzten zirrikituak ere modu sistematikoan urratu dira.
Euskara bidezko hezkuntzaren garapena gelditzeko ingeles bidezko murgiltze-programak jarri dituzte abian.

Osansungintza
Osakidetzan oso agerian geratu da progresibitatea hain epe luze eta mugagabetan zehazteak ondorio zuzenak dituela eskubideen urraketan.
Osasunbidean eremu ez-euskalduneko herritar bihurtu dituzte nafar guztiak

Herrizaingoa
Autonomia Erkidegoetako Herrizaingo zein Barne sailetan ez dituzte aukerak baliatu hizkuntza-eskubideak bermatzeko mekanismoak abian jartzeko:
Ertzaintzaren lan-deialdietan bigarren hizkuntza-eskakizunik ez da ezarri oraindik, eta 1. Hizkuntza-Eskakizuna egiaztatzen ez duten langileak kontratatu dira.
Foruzainen lan-deialdiko lanpostu batean ere ez da derrigorrezkoa izan euskararen ezagutza.

Justizia
2007ko diagnosiak inoiz baino ageriago jartzen du justiziaren eremuan gertatzen diren eskubide-urraketak, eta euskaraz jardun nahi duten herritarrekiko bereizkeria. Are gehiago, gaztelania jakiteko derrigortasuna behin baino gehiagotan baliatu izan dute, beste urte batez, herritarren eskubideak urratzeko.
Euskara erabili nahi izatea oztopoa izateko aukera zabalik utzi dute Justiziako arduradunek.

Eremu sozioekonomikoa
Iaz egindako diagnosiaren ondorioak iraultzeko neurririk ez dute hartu administrazioek:
Ipar Euskal Herrian kontsumitzaile euskaldunei ez zaie eskubiderik aitortu.
Nafarroa osoa eremu ez-euskaldun bihurtu dute kontsumitzaile euskaldunentzat.
EAEko Kontsumitzaileen Legea garatzeko dekretuak ez dituzte abian jarri.

Erdi Aroko azoka

Asteburu honetan, apirilak 26 eta 27, Erdi Aroko Azoka izango dugu Balmasedan. Urtero bezala balmasedatarrek kaleak eta plazak apainduko dituzte eta Erdi Aroko giro magikora eramango gaituzte.
Euskarak ere bere txokoa izango du San Juan plazan:

Larunbatean, 18:00 eta 19:30ean: "Harritzeko ipuinak" euskal mitologian oinarritutako ipuinak txotxongiloekin umeentzat
Igandean "Erdi Aroko Arabiarra" kale antzerkia 13:00 eta 18:00etan, adin guztientzat.(TTR taldea)

Sukaldaritza ikastaroa

Bakarrik bizi zarenetik pasta eta entsalada besterik ez duzu jaten? Amaren hozkailutik janaria lapurtzeaz nekatu zara? Lasai egon, behar zenuena daukagu:

Zallako Udaleko Euskera Zerbitzuak oinarrizko sukaldaritza ikastaroa antolatu du maiatzarako. Ikastaro hau astearte eta ostegunetan izango da, 19.00etatik 21.00etara Mimetiz Herri Ikastetxeko jantokian eta euskera hutsez izango da. Guztira 16 ordu izango dira, 8 egunetan antolatuta. Prezioa 15 €koa da edo 10 € Zallako Gazte Karneta 08 edukiz gero. Izena emateko e-mail bat bidali helbide honetara infogazte@zalla.org edo pasa zaitez Gazte Zentrotik.

Dultzainero eguna

Domekan, apirilaren 20an, Dultzainero eguna ospatuko da Gordexolan. Goiz osoan, Molinar plazan ekitaldi hauek izango ditugu:

• Artisautza eta baserriko nekazaritzako elikagaien erakusketa eta salmenta.
  
• Euskal dantzen alardea Enkarterriko eskualdeko dantza-taldeen eskutik.
  
• Tradiziozko tresnen erakusketa eta salmenta.
  
• Enkarterriko Eremu Geografikoaren turistentzako informazio-gunea.
  

Egitaraua:
10:00- Harrera
10:30- Kalejira
11:30- Hamaiketakoa
12:00- Meza
12:30-13:30- Dultzaineroak
13:30- Tabernajira
15:00- Dultzaineroen bazkaria

Euskal Jaia Turtziozen

Zapatuan, Apirilaren 19an Euskal Jaia izango dugu Turtziozen

11:30 kalejira
12:00 Dantzen agerraldia
Turtzioz
Balmaseda
Artzentales
Zalla
Karrantza
Sodupe

13:30 Herri Kirolak Getxo taldearekin
15:00 Euskal Erromeria Aiko taldearekin

Egun osoa, La Quadra eta Zuazako albokariekin girotuta egongo da.

Antolatzaileak: Turtziozko Udala eta Turtziozko Dantza Taldea

Gazte Eguna Balmasedan

Larunbatean, apirilak 19, gazte eguna ospatuko da Balmasedako kaleetan. Egitarau aparta prestatu digute. Anima zaitez!

13:00etan txupinazioa eta kalejira orkresta animazio taldearekin.
15:00etan bazkari herrikoia san juan plazako arkupetan.
16:00etan etxegorriren esku hitzaldia eta ekintza gazte asanbladaren bideoemanaldia.
18:00etan kalejira -poteo zaratatsua balmasedako perkusio band taldearekin (bpb).
19:30tan bertso saioa frontoian
20:00etan kontzertuak: no komply (Zalla), xikinkei (Donosti), delito y medio (madril)


Antolatzailea: Balmasedako gazte mugimendua

Anje Duhalde, Sopuertan

BubbleShare: Share photos - Play some Online Games.

Berbapoteoa

Ostiralean, apirilak 18, berbalagun guztiak biltzeko aitzakiarekin poteo bat egingo dugu Sodupeko tabernetan zehar.

Non? Navarro tabernan
Ordua: 21:00etan

Antolatzailea: berbalagun

Puntuak berreskuratzera!!

Euskararen gidabaimenean galdutako puntuak berreskuratzeko aukera zabaltzen da apiralaren 14tik 18ra. Jolaskide berria bakoitzeko puntu bat.

Informazio gehiago: 946670312

Antolatzailea: Berbalagun